| 【香港勝在年輕】新晉導演黃綺琳30路適婚港產片《金都》港女成婚之路 | |
「我們係唔係唔結婚就分手？」新晉年輕港產電影《金都》鄧麗欣有一句咁樣嘅對白。咁國足係唔係唔贏波就解散先(快)，呢個世界逼得自己太緊嘅永遠都係自己，所以其實放開自己，無壓力下打出一場好波，自己爭氣就已經可以，我講緊香港隊。香港其實係一個年輕而充滿創意嘅地方，只要你畀機會就會有出色的新世代完成一部部好的電影作。香港政府推動最成功的德政叫做「首部劇情電影計劃」，成功資助同拍出好多優秀電影，例如《一念無明》《點五步》《淪落人》等等香港本土電影。我地唔一定要同中國內地同全世界比較，只需要贏左自己，贏到香港人的心，《金都》就係呢個計劃新晉導演黃綺琳得獎獲資助電影作，作品講香港人最熟悉又貼身的社會議題「結婚」。支持香港本土電影，不計較輸贏，只需踢出自我，踢出尊嚴，香港加油！  2013年香港政府推出「首部劇情電影計劃」，透過電影創作及製作計劃比賽等選拔電影新秀，而勝出者可以得到電影發展基金撥款資助拍攝電影。這是近十年香港政府唯一一個值得讚賞，真正「做到野」的項目。根據資料比賽已經有五屆歷史，一共有11套電影獲得此計劃資助。直至2019年，有6部電影正式上映。《一念無明》《點五步》《淪落人》都係呢一個計劃推動之下成功上映後獲得優秀口碑嘅港產片，係真正成功推動電影發展嘅實用項目。 第四屆計劃大專組得獎作品《金都》已經成功拍攝出來，並即將有機會上映，呢部電影描述一名女子如何面對婚姻的種種掙扎，對香港人嚟講呢個係一個永恆討論不絕嘅議題，尤其係三十歲上下社會認為你「適婚」的人士。 
《金都》作為新晉導演黃綺琳編劇和導演的第一部長電影早前已奪得金馬影展的亞洲電影奈派克獎，可謂先「壯一壯膽」，面對三十大限，到底「你」是否需要結婚？愛情和婚姻係現今社會又是咩野？這些看似應該是女人多諗嘅問題，實際上作為男士又真係完全冇壓力嗎？ 我話生仔當如郭富城，有錢有事業都50歲結婚生仔有乜所謂呢？ 但問題所在係世界上真正四大天王得四個，我係凡人一個， 我身邊女人更加係超級煩人，我等到50歲，佢等唔到！又換個角度點解一定要結婚？ 
《金都》獲得本屆金馬獎最佳新導演、最佳男主角、最佳原創電影歌曲三個獎項提名。電影香港知名的婚禮商場「金都商場」為背景，描述莉芳（鄧麗欣飾）即將與交往多年的男友Edward（朱栢康飾）結婚，卻意外發現十年她為了賺錢而與中國人進行的「假結婚」並未依約解除，因此她必須找出這個法律上的丈夫「楊樹偉」（金楷杰飾）。 
近年這些新電影，資金可能全部要就住就住或者要演員們齊心合力幫到盡，但依然有好多好的演員，出演好的劇本，今次《金都》有愛情電影專家級影后鄧麗欣 顆拍舞台劇界朱栢康，還有資深影后鮑起靜，演員金楷杰；叱吒我最喜愛歌影視配音無敵林二汶，還有許素瑩和岑珈其共同主演，演員班底以年輕青春新作來講算極強勁。 
本土電影有一種特別嘅優勢，係 一種好「埋身」好真實嘅同理心， 因為我們都是活在當下同一個社會同一個環境， 特別容易得到共鳴， 有時候睇下場電影就係需要一種觸動心靈嘅感動。 當我哋大叫香港電影加油大喊支持年輕人， 最實際嘅就係支持年輕香港電影，搞不搞黃色經濟圈是一回事，但連自己電影都唔支持都要看輕是重三思之事，自己香港自己救，年輕一代已經做左好多了。 | |
|
鍾意就快D Share啦！
|
|
|
