呢張相最亮點並唔係 Mandy個肚，而係佢同洗米華左手無名指都戴上戒指。
戴住婚戒 洗米華飛英國陪 Mandy生 B仔
在英國待產的 Mandy Lieu就生得，星期一晚（ 6/6），洗米華出發到倫敦準備陪產，早前兩人更在當地舉行了 Baby Shower Party，迎接即將出世的 BB。
當日洗米華同 Mandy的左手無名指上，都戴住同款婚戒，至於再做老豆的洗米華，頸上更戴住條老虎公仔口水肩，唔使審， Mandy呢胎係生仔！
暗示生仔
星期一晚（六日），網上有一張 Mandy Lieu同洗米華最新相片流出，相中除了二人外，還有幾位外籍朋友，現場擺滿 BB用品禮物，相信他們正為即將出世的 BB，舉行 Baby Shower Party。
相中的洗米華戴住一條老虎仔圖案的 BB口水肩，加上大部分禮物都是偏向男仔款式，可以肯定， Mandy這胎是生仔！
即將又做老豆的洗米華，與 Mandy頭貼頭，面露慈父笑容，同平時見到傳媒黑口黑面，好大分別；至於佗 B九個月的 Mandy，一如上次，繼續保持纖瘦身形，唔多見肚。
今年初，洗米華一家三口去布吉旅行，當時 Mandy已經有五個月身孕。
星期一晚，洗米華出發到英國，準備陪 Mandy生 B。《蘋果日報》圖片
洗米華由上年十二月離婚消息公布後，就開始戴這隻新結婚戒指，無論影財經雜誌封面，抑或公司春茗，同 Mandy去旅行，都見佢戴住。 十二月開始戴
上年五月 Mandy在英國生女，洗米華全程陪住，出院時洗米華抱住 B女，盡顯父愛。
但這張相的亮點，是 Mandy同洗米華的左手無名指，都戴上同款戒指，加上款式是婚戒類，相信洗米華已經揀定，確定要給對方一個名分。
據了解，去年十二月，洗米華落實同前妻 Heidi（陳慧玲）離婚後，隨即已換上這隻戒指，無論是出席公司春茗、商界活動，又或者同 Mandy去旅行，都見到他戴住這隻戒指。
源自美國
Baby Shower是美國人的傳統，為將出世的 BB舉行 party，應邀出席的朋友會按照準父母列出的清單準備禮物，愈親的人，就要買愈貴重的禮物。
除了飲飲食食切蛋糕，還有遊戲環節，通常女賓客就會估算準媽咪個肚圍有幾粗，而男士就會用奶樽飲水鬥快比賽，勝出者就會戴住條口水肩，好似洗米華咁。
愈來愈多香港媽咪都鍾意搞 Baby Shower Party，好似 Jessica C.、陳茵媺生第一胎時，同吳佩慈，都有搞過。
同富商紀曉波生 B，吳佩慈豪搞，請埋一班台灣藝人出席。
陳豪、陳茵媺都有跟外國習俗。
鬼妹 Jessica C.生女前，當然要搞 party。
|
鍾意就快D Share啦！
|
|
|
