最近我起阿媽介紹之下，去左某間茶樓做樓面
但做完一排之後，我真係愈來愈憎呢份工
首先呢份工真係超忙，我由朝早10點做到夜晚11點，
中間除左食飯時間，我真係做到唔停手
等到放工果刻我真係頭痛又腰痛
第二，呢份工既人工真係低到無人有，每個鐘都係得35蚊
但係每一個鐘我都係做到唔停手，而且我仲要受氣
其他朋友份工又輕鬆，又唔洗受氣，人工都高過我
第三，我其他同事果果人都脾氣好差
做錯野就比人吊到飛起，你做得慢又會比人吊到飛起
有一次佢地覺得我做得慢，就當住D客面前吊我
仲要係人身攻擊
話我個樣同個腦一樣，都係咁弱智，成個唐氏綜合症既低能仔咁樣
果一刻我真係差D想起客人面前喊出黎
依家做左一排之後，我日日都好唔開心
覺得自己既健康同自尊都無曬
我真係好唔想返呢份工
一到左返工既時候，我就會有種想自殺既念頭湧出黎
希望一死了之，咩都好唔煩
但係諗到我仲有阿媽起度，最後我都係放棄呢個念頭......
來源 source: http://ww.circle01.com
|
鍾意就快D Share啦！
|
|
|
