我地拍左拖7年，中學已經一齊。一直以來，我地既生活條件都差好遠，我住北角寶馬山私樓，佢住柴灣公屋；我月入2萬左右，佢得1萬3，之不過佢生得好靚仔，好似BIGBANG T.O.P.咁，而我只係白白淨既肥妹仔一個，所以我一直冇其他人追，感情都幾穩定。
上年佢話想2017年結婚，問我可唔可以開始減肥。其實我一直話減話減，都冇乜動力，於是我話好，然後好快減到變成正常女仔既身型+臉型，睇起上嚟其實有幾分似高海寧，係冇咁高啫。
點知自此之後，突然有一堆男仔追我，其中有個仲好好條件，如果成個package 100分為滿分，佢有80分，而我男友係20分。我好多fd都話不如試下同個80分男仔一齊，飛左我男朋友。我都唔知點，十五十六。坐個男仔車周圍去玩，又去食好野，真係好開心，但我同我男朋友又一齊咗7年咁耐。
如果因為咁，飛左我男朋友，我會唔會好衰？
------------------------------------------------
是咁的，早幾年有篇文好出名，講緊私樓撚點樣有雞脾食，同伯母樂也融融，
公屋撚就雞囉柚都無得賴下，我真係笑而不語。但我當時無出聲，即管畀班私樓撚開心下打下飛機先。
其實公屋撚既優勢依家已經逐漸浮現，有D遠見既伯母已經開始識諗。過多十年再睇返我依個POST啦，
到時個個伯母都以公屋撚女婿為榮既時候，你再讚歎我係預言家都未遲。
先此聲明，我講既私樓撚係指班凡夫俗子私樓撚，如果你係「成功需苦幹」果班二世祖或者老豆老母留低一千幾百個畀你既，
你贏，伯母唔止雞脾，大脾都畀埋你。
又或者，你係醫生律師真IBANK撚，十萬UP一個月，你都贏。因為你既收入夠，
供樓租樓對你嚟講其實無咩分別。你大可以去租貝沙灣飲紅酒繼續離地，伯母會帶埋個女送上門3P畀你啪。
講完開場白，點解公屋撚完勝私樓撚？我用伯母既角度逐點逐點分析過你聽下。
〈一〉 個女將來係少奶奶定打工奴
如果你女婿係一般出身既私樓撚，你個女嫁咗畀佢之後生活如何？咪就係日日做到隻狗咁去同呀女婿一齊供樓囉。女婿係公屋撚就唔同喇，你個女真真正正少奶奶生活，唔使做，湊下仔，飲下茶，打下麻雀又一日，年中去兩三次旅行，分分鐘有閒錢孝順下請埋你一齊去，唔夠皮既仲可以爭取下子女遊學團，或者「借」架BENZ玩下，總之多有多啜，少有少啜，實有得過你啜。為人父母，邊個唔想個女食好著好舒舒服服唔使做？女婿係私樓撚定公屋撚好，你懂的。
〈二〉 伯母你自己將來既生活
承上，個女有既係時間，就唔使好似依家好多打工仔可憐蟲咁，勞煩四老幫手湊仔買餸依樣果樣啦。或者講白D，你女婿係私樓撚既，兩公婆都要出去捱，你就等於睇多頭家，搵自己笨。女婿係公屋撚既，你就可以日日同你個女一齊飲飲食食，弄孫為樂，實行兩母女齊齊做少奶奶。
〈三〉 個女層樓既質素
緊有柒頭皮唔服氣，出嚟大叫「私樓供完係自己架嘛」。岸鳩！到呀女婿供完層樓，個女都已經擺得大壽，而伯母你呢？得罪講句，化咗灰好耐，怕且都未見到贖返張樓契已經去投埋胎喇。私樓又係住，公屋又係住，個女一生勞碌為乜，就係為咗果層帶唔走既樓？容我將最現實既一面赤裸裸同你講，依家D公屋根本好過香港七成以上既私樓！都唔講南區果D高尚公屋，CHEAP少少，都有騎住德福頭頂既半山彩德彩福，又或者同譽句號港灣一街之隔既啓晴德朗。你個女花一生換間望垃圾房停車場既豆腐膶，甚或畀對面樓既阿伯裝換衫，不如去住間同九龍站果幾枝香隔海對望既公屋好過。
好喇，係夠砌既，三個POINTS已經夠皮。再講落去，我驚班私樓撚睇唔開走曬去IFC排隊。其實好聽就私樓撚，講白D，係負債二百萬撚。遲下經濟週期到，變埋負資產，依家唔IFC到時都係IFC。
如果你就係果班不幸讀多咗少少書，搞到依家高不成低不就既可憐蟲，唔緊要既，生命無TAKE TWO，無得返轉頭架喇，SUCH IS LIFE，安心供樓同交稅啦。放心啦，班公屋撚同新香港人多謝都唔會有聲，唔使諗。
要怨既，可以怨你老豆老母無遠見唔識諗，當初無好好勸你放棄學業，唔好以為讀書真係可以出人頭地，一切以將來生活為重。如果當初夠砰就即刻排公屋，依家怕且你都已經食住煙仔飲住青島望住維港景色上高登。望唔透？望得最撚通透就係你！
我將雞脾重新排一次次序。
1. （租樓）女朋友帶你返屋企食飯，伯母問你住邊。我租人樓架，響深水埗呀，不過D租都好貴下業主又想加租，冇辦法啦，想同佢過二人世界，唯有辛苦D。此時，伯母會話我有D唔舒服要入房先，你自便啦，你就同女朋友大家眼望望，最終不歡而散。
2. （買私樓）女朋友帶你返屋企食飯，伯母問你住邊。我住私樓架，響將軍澳，一年前等唔切買咗，借咗二百幾萬，供多三十年左右，不過供完之後會係自己物業。依餐飯，你會有飯食，可能又有肉食下，不過成餐飯伯母唔會再有嘢問你。你以為有樓巧威威，唔係好知出咗咩問題。食完飯，伯母會大聲叫，女，送客。
3. （老豆老母買落公居屋）女朋友帶你返屋企食飯，伯母問你住邊。我住公屋架，天水圍，天耀呀，不過就買，早年老豆老母買落，雖然仲供緊，而且係老豆老母名，但因為平，都唔係借咗好多，算係咁啦。依餐飯，你會好開心，你會有飯食之餘又有雞胸食，伯母又會好欣賞你父母當年既決定，而且話題非常之廣，有講有笑，食完飯，伯母仲會問你食唔食生果，走時仲會點點頭。
4. （租公屋）女朋友帶你返屋企食飯，伯母問你住邊。我住公屋架，啓德新發展區，痴住譽唔知咩灣，高層望海。伯母讚你後生仔就咁識諗，識上公屋一世無憂，話知佢乜柒大學沙紙定樓奴，天跌落嚟你都穩陣過世。依餐飯，你會好開心，你會有飯食之餘又有雞脾食，大家會有講有笑，走時外母會問你點解唔坐多陣。
5. （醫律BANK）女朋友帶你返屋企食飯，伯母問你住邊。我租樓咋，貝沙灣，貪果邊景色好渣車返醫院又方便嘛，始終做專科，住近D可以快D返到去做URGENT CASE。依餐飯，有九大簋食之餘，講句野都可以大聲D，伯母笑容由心裡笑出嚟，走時外母會問你點解坐多陣，同女入房玩下電腦。
6. （成功需苦幹）女朋友帶你返屋企食飯，伯母問你住邊。我仲同緊屋企人住咋，老豆種植道間屋都叫闊落，所以無搬出嚟，我都係死慳死抵儲咗果幾十萬零用錢去搞下D小生意，諗住成功需苦幹嘛。伯母讚你有志氣，唔會靠父蘟。成餐飯，你會好開心，好溫韾，你會好似多咗個老母咁。伯母夾雞脾你食之外，仲特登洗開個女，有意無意送埋對大脾畀你。
|
鍾意就快D Share啦！
|
|
|
