呢件事困擾左我好耐, 有D長, 麻煩各位大大比D耐性睇埋去。
好耐之前, 我同男友唔係識左好耐就一齊左...
一齊左大概一年左右嘅時候...
有晚佢瞓左, 電話有個人SEND MSG比佢, 我好奇+懷疑(因為好耐都冇親密行為)之下就睇左個MSG...
個MSG係話"你個X街, 挽完唔比錢!"
當我問佢嘅時候, 佢好堅持自己係有去夜總會, 但冇同人發生性行為, 有呢個MSG係因為佢個FD挽完唔比錢仲留左佢電話NO.比個女人...
果時嘅我就姑且信住先, 跟住大家都一直冇提過呢件事...
再過左一年多, 唔記得左因為咩而分手。
但我同佢保持左瞹眛關係一段時間, 其實應該係佢拖住我之餘有去識/溝其他女...
之後因為我身邊有第二位(啊A)出現+追求, 我結束左呢段大概維持左2個月嘅瞹眛關係。
到我接受左啊A, 大概4個月之後, 呢個男人又追番我...
經過佢2個月嘅攻勢下, 我屈服左...仲開始一腳踏兩船(佢並唔知道有啊A嘅存在)...
一腳踏兩船左半年左右, 我對啊A嘅感覺真係好淡好淡, 所以分左手....
跟住果半年, 我同啊A都KEEP住有聯絡, 而且因為男友工作好忙冇時間陪我, 我差唔多每次出街都係啊A出....久而久之, 我對啊A嘅感覺又返番黎...到果年我生日, 啊A做左D野令我好感動, 令我好後悔點解要同佢分開...就係咁, 我又衝動地同本身男友講分手, 同番啊A一齊...........
呢次同番啊A一齊嘅頭一年真係冇心動要同其他人一齊, 連本身男友搵我, 我都冇理會過。
大概過左年半, 我同本身男友有番好普通嘅聯絡...再者就開始有見下面, 食下飯咁...(啊A完全吾知我地有聯絡)
之後又冇搵一排, 期間同啊A去左個旅行。
旅行之後2個月左右, 本身男友突然MSG的講左句"2年喇, 你幾時番黎啊?", 當時我都冇咩理會。
到啊A早3-4個月轉左工冇時間陪我之後...我同本身男友又聯絡得密左, 加上我知道啊A根本做唔到我想要嘅野(因為啊A係TB, 我同佢冇可能有結果), 所以早個幾月時, 我又同番本身男友一齊, 同啊A分開(變成朋友KEEP住聯絡)...
但係問題黎了…我同番男友一齊頭一星期時, 我發現佢所謂嘅等我並吾係正正式式嘅等...佢都係有約過其他女仔出街, 有想去追其他女仔...
而家一齊番個幾月, 佢已經係咁同我講結婚生仔... 係, 我係冇再見到佢有同其他女聯絡...但係我自己就不斷諗起佢似有非有嘅出軌行為...
到底我應該點???
搵人鬧醒我丫, 唔該!!!
|
鍾意就快D Share啦！
|
|
|
