熱爆娛樂 +: [累到唔比!]As one隊長單拖去韓國選新秀喊爆訴苦:「佢地根本睇唔起香港人！」

2016年3月31日星期四

[累到唔比!]As one隊長單拖去韓國選新秀喊爆訴苦:「佢地根本睇唔起香港人！」 _-,

Shin同香港朋友喺首爾食飯，忍唔住喊爆訴苦。

首爾追蹤《 Produce 101》唯一港女難忍隊友排擠[email protected]One首爾爆喊：俾人鬧埋唔到堆

As One隊長 Shin（吳思佳），早前離隊去韓國參加電視節目《 Produce 101》，如果成功從 101人中成為最後 11強，就可以同當地娛樂公司簽約正式出道做韓星！

韓星夢唔易發， Shin雖然有一半韓國血統，但在當地仍被其他參賽者視為外人。人在異鄉仲要冇朋友，壓力勁大的 Shin忍唔住爆喊哭訴：「成日俾韓國啲代表鬧！每一次見我都係咁叫我減肥！又唔係好同佢哋埋到堆！」

要捱出頭唔容易，不過紅咗就唔使再受人白眼， Fighting！

21歲 Shin係中韓混血兒，媽媽係韓國人，本來好有條件去韓國發展。不過 Shin唔係土生土長，即使識講韓文都唔會被視為自己人，何況每個參賽者都當對方係假想敵，更加識唔到朋友！

Shin最大壓力係減極都減唔到肥，不過其實 Shin上鏡都面尖尖，起碼好過衞蘭（電視畫面）

（吳思佳幾可愛吖！）

（呢位姐姐好令人心動！睇佢 ig嘅相好靚！點解得咁少鏡頭㗎？好傷心！）減極都肥

上週五（ 26日）中午，《 FACE》在江南區撞正 Shin獨自一人返回酒店，似係剛拍攝完節目， 20分鐘之後就再步出酒店，搭地鐵到江南區一間著名錄音室，直到晚上 6點再轉場去練舞。踩足一日， Shin晚上 11點先會合一名女性朋友食飯，難得見到同聲同氣香港人， Shin坐低後就開始訴苦，連揀食物都要呻。「我得沙拉可以揀，唔使就我，你想食咩就嗌啦，我已經慣咗睇人食好嘢。」

韓國出名炸雞同韓牛， Shin冇肉食已經夠慘，仲要食菜都肥！「我已經食好少嘢，但唔知點解減極都減唔到！其實我以前好瘦，唔知幾時開始，可能太大壓力，開始愈來愈肥，上鏡真係好肥！」

只食沙拉為咗減肥， Shin每餐只可以食沙拉，冇得食肉同澱粉質。

眼見 Shin喊到收唔到聲，朋友即拎手機俾 Shin睇粉絲窩心留言，安慰對方。

喪排舞除咗錄節目， Shin每日都要排舞，冇得偷懶。成日俾人鬧

講起減肥， Shin愈說愈激動，突然對住朋友喊，「我已經淨係食沙拉，淨係食啲冇澱粉質嘅嘢，但都係減唔到，我都淨係食菜同食雞胸不過甜嘢真係唔係好戒到，好 stress呀，你明唔明？」

Shin不斷抹眼淚，期間一度崩潰，趴低喪喊，要朋友好言安慰，又向 Shin展示粉絲的鼓勵留言，安撫對方。不過 Shin睇完笑一笑後，即向朋友繼續呻，「成日俾韓國啲代表鬧，每一次見到我都係咁叫我減肥！同埋佢哋乜嘢 schedule都唔話我知，淨係講開工時間，永遠冇收工時間，想拍到幾時就幾時！」工作人員唔照顧，連其他參賽者都排外，「始終你係香港人，佢哋個個都係自己人，都係韓國人，唔係好同佢哋埋到堆！」