阿濼 19歲阿濼在機動遊戲進行期間會在控制室內，留意狀況，有時會作出廣播，提示遊客如何駕駛踫踫車。
DSE（香港中學文憑考試）剛剛放榜，升到心儀大學當然歡喜，但亦有不少人為前路感到徬徨，除了繼續升學外，早些出來社會工作，未嘗不是一件好事。不同機構都有一些適合 DSE畢業生的職位，如海洋公園招聘遊樂設施服務員及 Allegretto聘請咖啡師，不但有晉升空間，而且令他們掌握新的工作技能，前路仍是一樣精彩。
Case 1：遊樂設施服務員 考牌愈多人工愈高
遊樂設施服務員亦需要做維持輪候秩序及控制人流的工作。
「橫衝直撞即將開始，各位乘客請緊握軚盤，多謝合作。請踩實油門，扭盡個軚……」採訪當日，阿濼正在操作機動遊戲「橫衝直撞」，向遊客廣播及留意設施狀況。
上年 11月，阿濼加入海洋公園，成為遊樂設施服務員，「屋企唔係太富裕，自己諗如果考完 DSE，升唔到大學，不如早啲出嚟做嘢，喺網上見到海洋公園請緊遊樂設施服務員，操作器械都可以叫一門專業，我又鍾意玩機動遊戲，就決定試嚇。」
考牌操作遊戲
阿濼不時為排隊的小朋友量身高，看看是否符合機動遊戲的安全要求。「為保障安全，踫踫車駕駛員要 12歲或以上，及有 145cm高；乘客嘅要求要 8歲或以上，及有 120公分高。」
海洋公園現有 21款機動遊戲，要成為一個合資格操作機動遊戲的工作人員，阿濼表示並不容易，「入到嚟首先喺展館及機動遊戲設施，做維持輪候秩序及控制人流嘅工作，過咗 3個月試用期後，公司會安排我上一個 8小時嘅課，學基本機動遊戲操作指引及技巧，然後再由 senior帶住我去操作一個機動遊戲，學習要注意嘅事項。」
跟上級學滿 30小時後，阿濼需接受機電署人員的考核，「考筆試及實際操作，合格後，會有一個牌證明我合資格操作呢款機動遊戲，每款機動遊戲嘅牌照都要分開考。」
打風就要停
大半年來，阿濼已找到了工作樂趣，「份工要日曬雨淋，依家皮膚黑咗好多，早前 3號波，所有機動遊戲都要停，亦要做防風措施，將戶外一啲易俾風吹走嘅物件收起。當時每個同事都同心協力咁做一件事，覺得自己係樂園嘅一份子，工作愈嚟愈起勁。依家我學緊『超速旋風』及『雷霆節拍』嘅操作，差十幾小時就會去接受考試，自己會繼續留喺呢度發展。」
海洋公園區域經理 Winston阿濼啱啱入嚟唔係好講嘢，但經過幾個月嘅工作後，明顯見到佢有轉變，肯主動同遊客傾偈， outgoing咗，慢慢將自己視為樂園嘅一份子。
點入行？
當遊客坐上踫踫車後，阿濼及同事都會逐一檢查每部車的乘客，有否繫緊安全帶，如果乘客攜帶背包或手袋，亦會要求放在放置櫃內，不得放在車上。
區域經理 Winston表示，每年都會聘請遊樂設施服務員，「學歷唔太看重，有香港中學文憑考試同等或以上學歷就可以申請，不過始終要面對唔同國家嘅遊客，服務員需要用廣東話、英文及普通話同遊客溝通。另外，應徵者對入行要有明確嘅發展目標、正面態度及責任感，最好性格開朗，面試前應先搜集崗位相關嘅資料，反映到佢有工作嘅心理準備。」遊樂設施服務員是以考獲多少款機動遊戲的牌照來決定升職進度，每週平均工作 48小時。
http://www.oceanpark.com.hk
Case 2：咖啡師由低做起
採訪當日，咖啡師 Kin正在咖啡吧內為客人沖調 3D造型咖啡，看他數分鐘就將熊仔造型的 3D咖啡沖好，「啱啱學嗰陣都會笨手笨腳，未砌好個公仔啲泡就塌咗，會趁放工、休息時間嚟練習，依家好似貓、熊、狗、豬等動物造型都應付到。」
成為咖啡師前， Kin並沒有想過自己的人生方向，「考完 DSE後，我貪得意報咗個有關咖啡沖調嘅興趣班，估唔到沖咖啡有咁多學問，有唔同嘅咖啡豆及沖泡方法，拉花又好似好型，於是就產生咗做咖啡師嘅諗法。」
Kin有時亦要負責一些清潔工作，例如收拾用餐後的桌面。
入行成為咖啡師後， Kin對咖啡的興趣大增，除了看有關咖啡的書藉外，亦會向上司 Leo（左）詢問一些咖啡的沖調技巧。 不習慣清潔工作
在 13年尾， Kin加入 Allegretto，由低做起的他，曾一度想過放棄，「入到嚟做收銀、執檯、洗碗碟，冇得入咖啡吧，每日向 Leo或者 senior學沖咖啡，好似點打泡、咖啡豆知識等，要我技術穩定咗先可以沖畀客人飲。要自己做清潔始終有唔情願，但諗落唔通樣樣嘢都半途而廢？想畀自己一個交待，於是堅持落去。」
現時 Kin每天工作約 9小時，「人工雖然唔係高，但嚟到呢度做嘢後，自己改變好大，之前自己唔多講嘢，見到客人望住個櫥窗都唔夠膽行埋去介紹。同事鼓勵我放膽啲，依家會主動向客人介紹唔同咖啡豆嘅特色；我知道做嘢辛苦，返到屋企會分擔媽咪嘅家務，同屋企人關係都好咗。」
現時 Kin已輕易可以沖出貓、熊、狗、豬等動物造型的 3D造型咖啡。
點入行？
Kin 20歲第一次在咖啡吧當值時， Kin表示十分緊張，「雖然練咗好耐，但埋位都會擔心自己做得唔夠好，而且冇時間畀你慢慢沖，客人落單就要沖出一杯合資格嘅咖啡，好大挑戰性。」
Allegretto的首席咖啡師 Leo表示，願意給機會予沒有沖咖啡經驗的人士，只要肯學習便可以入行，「沖咖啡係一門專業嘅技能，學歷我哋唔會點在意，新人點都要由頭學起，反而會睇個人嘅性格，喺面試時會睇番應聘者對呢行有冇熱誠，另外我哋算係服務性行業，最緊要有禮貌。」
http://www.dussmann.com.hk
|
鍾意就快D Share啦！
|
|
|
