當大家熱烈討論港媽要求攝影師為活動影相，報酬是Facebook讚好及分享時，連本土作家「孤泣情心」昨日亦遇上同樣情況。他在Facebook分享自己的助手遭一名自稱大公司職員，無理要求免費宣傳，對方更揚言「叫你幫手做宣傳，其實係幫緊你地做宣傳」。
作家孤泣情心 (網上圖片)
孤泣情心在Facebook公開與這名大公司職員的短訊對話，對方的語氣相當無禮︰「頭先聯絡咗你助手，佢話要收錢我呆咗一呆，我哋大公司叫你幫手宣傳其實係幫緊你宣傳，咁都唔明？叫你寫幾隻字貼張圖，佢同我講唔係咁簡單，咁樣做公關唔得架，睇死你哋無發達。」
孤泣情心反駁指︰「一. 我助手好你幾萬倍，佢唔叻不過佢會尊重別人。二. 我做咩要你幫手宣傳，你大公司關我咩事？三. 我發唔發達又關你咩事？」他之後又稱︰「你以為寫幾隻字貼張圖好簡單？咁你自己唔貼？請你唔尊重我都好，都尊重一下文字」。
網上圖片
孤泣情心之後留言指，已經不是首次收到這類「邀請」，他希望所有人知道，無論寫作、攝影、繪圖、拍片、作曲、填詞、創作等，都不要以為「好簡單」，付出得不到應有回報不要緊，但至少尊重創作人。
網民都狠批這個大公司職員過分，「 大公司夠比機會、比工作經驗、靚resume你，點解你又出糧？」、「呢個世界叫人做野就要出錢架啦，唔係邊個幫你做？」、「原來香港咁多行業都有咁既情況」。
|
鍾意就快D Share啦！
|
|
|
