掃呢頁CODE去手機

2017年11月20日 星期一

識揀一定會揀MK妹做女朋友 ! 點解? _-,

 喺我印像當中,比人話得係MK妹都唔係一件好事。 一身旺中打扮,露肚臍衫+高腰短褲 (而家旺中都半收皮,可能變左葵廣打扮)、可能有個唔知代表乜嘅紋身、 ...


 喺我印像當中,比人話得係MK妹都唔係一件好事。

 

一身旺中打扮,露肚臍衫 + 高腰短褲  (而家旺中都半收皮,可能變左葵廣打扮)、可能有個唔知代表乜嘅紋身、一頭金毛(或者而家興咩銀河色)、很多耳洞、高過5CM嘅鞋、再加一支黑冰、唔知代表乜嘅紋身,咁樣就成為左一個MK妹基本打扮。雖然MK妹膚淺、通常冇腦、仲通常成日講粗口。但喺依個開始將真性情當寶嘅香港嚟講,MK妹其實真係唔錯,特別係將佢地同一般港女相比之下,我覺得佢地有好多更優勝嘅地方。

 

 

 

 

 

首先MK妹嘅要求好簡單:得閒就同佢行下MK,食飯就食爭鮮(明將收左皮後溝MK妹的確貴左),買衫又好小要名牌,旺中葵廣搞掂哂。到佢生日你送個沙拉袋比佢都開心到放上FB哂幾日命。以上嘅嘢你好難同你個港女女朋友去做,因為佢九成會黑你面。日本嘢冇元氣級數以上佢根本食唔落口,買衫要落IT,最低限度都要瑞典大牌子(好為你著想架喇),手袋要G OR B字頭,當然H就最好。喺依個生活水平咁高嘅香港,你拎住雞碎咁多嘅糧想拍拖,港女你根本無力負擔,反而MK妹都仲叫有啲機會。

 

 

 

唔好以為我講到咁就代表MK妹係次貨。大家咁想搵一個肯陪你挨嘅女朋友,MK妹就係最好人選:佢肯返工搵洗費自己用、你接佢放工已經係最SWEET嘅拍拖活動、唔介意你住公屋都會成日上嚟、唔介意買埋外賣上嚟(包括埋佢自己)、唔介意你成日打機(因為佢會喺你格離煲劇)、唔會要你戒菸(因為佢食埋一份)。咩叫可以做番自己嘅戀愛?我諗你同MK妹拍拖就可以做到。你就係佢生活嘅中心點,佢唔介意用佢嘅青春浪費喺你身上,甚至願意為你寫詩,好似咩「你的拳頭只為我而硬,我的水只為你而流」之類,真係連我都甘拜下風。試問人生得一MK女友,夫復可求?

 

 

 

話哂MK都只係一個人成長嘅其中一個階段,一日係MK妹,未必一世都係MK妹。可能佢同你一齊果陣係MK左啲,但如果你有心同佢拍落去,而佢又願意為你改變下或者定未來嘅目標,MK妹絕對係一個可以變成女神嘅人。雖然佢地寫嘅嘢你會笑,但試問有咩男人唔想自己女朋友只為自己而濕?而且MK妹果種大情大性,敢愛敢恨其實比港女果種虛情假意,勢利眼光要好好多。當然唔一定個個MK妹都係未琢磨嘅寶玉,正如唔係個個港女都咁黑面一樣,但大家都唔好將MK妹完全定型,用返老土果句:比個機會人,比個機會自己。

 

 

MK充滿著青少年反叛心理的色彩,由於他們內心相當脆弱和不時感到空虛寂寞,因此經常渴望得到別人重視和戀愛。他們會常常籍著化妝、誇張髮色、激烈的言行舉止等意圖吸引人們,然而當得到別人重視後卻又害怕被人陷害或看不起,因此常常擺出高傲的姿態期望籍此得到別人的尊重。當中也有不少同輩的確因為他們的裝扮而垂青,但卻經常因他們的「高傲」和受不了他們的冷漠而疏遠。然而,在他們身邊也有不少同類型的人聚集在一起,因此能夠從同類型的人當中獲得安慰甚至玩得瘋狂,當中更不乏MK男女之間產生戀情,但也因大家的性格互相排斥而常常發生爭執,因此在他們內心深處是充滿著矛盾。

 

 

 


鍾意就快D Share啦!