Pokémon卡牌手機遊戲《Pokémon TCG Pocket》最近推出全新卡包「天與海的指引」，但其中一張卡牌「鳳王ex」因為涉嫌抄襲中國繪師嘅同人作品，引起玩家們熱烈討論。官方隨即為對此公開致歉，承認在製作過程中有所疏忽，將參考資料誤當成正式文件，而相關卡牌目前亦被改為「空白插畫」呈現。 | |
| |
事源於新卡包「天與海的指引」正式推出前夕，包括「鳳王ex」在內嘅部份卡牌被流出到網上，隨後一名中國繪師「昼时歌」發現卡牌插畫，居然同佢四年前受Fans委託而繪制嘅同人作品極為相似。從對比圖可見，雖然兩張插畫喺羽冠同尾羽等細節略有不同，但構圖同姿態幾乎一模一樣。 | |
| |
消息傳開後，官方在新卡包正式推出前發聲明致歉，承認「鳳王ex」在製作過程中有所疏忽，表示唔小心將參考資料當成正式文件交畀繪師，而且另一張卡牌「洛奇亞ex」亦有同樣問題。目前已將兩張卡片改為「空白插畫」呈現，等新插畫完成後會進行替換，並強調未來加強品質管理，防止同類事情發生。所以，如果呢幾日抽中呢兩張卡牌嘅玩家，會發現張卡牌係冇插畫同動畫，只係寫住一句「New Art Coming Soon」。 | |
 | |
不過，有外媒指出Pokémon官網其實有條款清楚列明，當粉絲以任何形式、在任何現有或未來平台發布基於Pokémon版權財產嘅作品時，即等同授予Pokémon公司一項「免版稅、非獨家、不可撤銷、可轉讓、可再授權、全球性」嘅許可，允許Pokémon公司為任目的使用、傳輸、複製、修改同展示粉絲藝術作品（Fan Art），而且唔會為任何粉絲藝術作品提供報酬或補償。所以從法律角度嚟講，Pokémon公司完全有權用返原本張「鳳王」插畫，只最後選擇修改以平息爭議。 | |
| |
資料來源：theverge | |
|
鍾意就快D Share啦！
|
|
|
