只要大家有睇開當年嘅《Top Gear》以及近年嘅《The Grand Tour》，相信都會知道主持之一Jeremy Clarkson嘅其中一個特點，就係講嘢相當Mean而且誇張。而近日佢呢個誇張風格，竟然令到英國變成「人食人」嘅地方！ | |
如果你有睇由Jeremy Clarkson主持嘅《Clarkson's Farm》，你應該會知近年Jeremy Clarkson將自己位於英國Cotswolds嘅一塊地變成農場，而佢本人亦化身農夫，所以佢就非常關心糧價。而5月中時Jeremy Clarkson就於《Sunday Times》上嘅專欄撰文表示因為烏克蘭被俄羅斯入侵，所以英國嘅糧價、油價甚至肥料價格等都急升，長久落去就會造成食物短缺。然後又諷刺英國政府辦事不力，指「再係咁落去大家會餓到食咗啲鄰居」——縱然佢對糧價嘅擔憂係真嘅，但最後一句就好明顯係典型嘅「Jeremy Clarkson式誇張」。 | |
Tsargrad TV篇文嘅封面圖，用上兩個原始人再配上英國國旗  | |
| |
但由親普京富豪Konstantin Malofeev經營嘅Tsargrad TV (沙皇TV)，就決定拎住Jeremy Clarkson呢一句黎大造文章，指出俄羅斯及白羅斯乃係世界最大食品及化肥生產國，英國因為支持烏克蘭而制裁俄羅斯，令國內經濟崩潰，多個城市因為缺糧而發出緊急警報，即將出現人食人嘅事件，但英國政客只係掛住處理烏克蘭問題，稱之為「烏克蘭陷阱」。 文章傳回英國之後當然就成網民笑話，有趣嘅係Jeremy Clarkson於Twitter發文：「到你之後真係肚餓時，你真係會食咗啲鄰居」疑似回應事件，但下方網民留言幾乎一面倒表示自己啲鄰居有幾咁污糟、幾咁老、幾咁討厭，幾中一個留言寫道：「我鄰居今年104歲，應該有啲韌。」 | |
|
鍾意就快D Share啦！
|
|
|
