| 【有料】勁人即時監察麥記雪糕機「McBroken」網站美國大熱 | |
24歲的工程師 Rashiq Zahid 開發左一個網站「McBroken」（麥壞左）大熱，網站實時紀錄全美國過萬間麥當勞雪糕機的故障狀態，事緣佢想吃「麥旋風」慘遇雪糕機壞左，於是就激鬼氣化悲憤為力量開發「McBroken」（麥壞左）網站即時監察鎖定美國約 1 萬間麥當勞門市建構全國雪糕機故障分布圖，即時更新各地門市的狀態，實際上我認為佢係一名駭客運用 Python 和 JavaScript 建構網站，對麥當勞的 Android 自動售賣 app 內部 API 進行逆向工程，佢寫了一個機器人 API 串接，每分鐘會自動將雪糕加入麥當勞點餐 app 購物車，從而得出即時每間鋪雪糕機有無故障，開誠佈公，結果麥當勞公關新年代無鬧佢仲讚賞佢為真﹒麥記雪糕愛好者！  如果你行入麥當勞冇得食麥旋風會點做呢？ 軟體工程師 Rashiq Zahid 就做左一件利害的事，創立「McBroken」（麥壞左），令美國人可以實時知道任何一間麥當勞雪粒機即時故障情況，網站上線後引起熱烈迴響！McBroken 網站，主要鎖定美國約 1 萬間麥當勞門市即時更新各地門市的狀態，如果該門市機器運作正常就會顯示綠點，故障的話就會以紅點標示。網站上的分布圖清楚標示各門市所在位置和地址、機器運作狀態及更新時間；右側欄位會顯示當前全美各地門市冰淇淋機的故障百分比。統計顯示全美麥當勞共有近一成門市出現機器故障情形，美國費城嘅故障率特別高為 25.81 ％(以寫本文時結算！)。 
Rashiq Zahid公開佢的數值獲得方法，主要運用 Python 和 JavaScript 建構網站，並對麥當勞的 Android 點餐 app 內部 API 進行逆向工程。為了掌握各門市冰淇淋機的運作狀況，佢寫左一個機器人 API 串接，每分鐘會自動將雪糕加入麥當勞點餐 app 購物車，不過據說實際操作比預想中複雜得多，因為呢種執行方式會被 app 判定為機械入侵而遭到封鎖。不過作為一個工程師又點會放棄，佢成功將控制購物車加入雪糕的頻率由每分鐘改為每 30 分鐘就不會遭到系統阻擋。而佢又可以成功即時監視到各門市的機器故障情形，而佢的電腦式點餐只係落購物車並無實際落單，所以唔會有浪費出現！ 
意料之外嘅事情係網站只上線短短 20 分鐘，就已湧入超過 1 萬名訪客，導致網站流量暴增一度癱瘓，後來問題排除，網站online四日互動次數已達約 1,600 萬次、不重複訪客超過 150 萬名。網站係美國掀起不小迴響，Rashiq Zahid自己都無諗過，竟然有咁多人對了解雪糕機現況需求，甚至有其他國家的網友希望 Rashiq Zahid 可以為其他地區開發雪糕機故障分布圖。
McBroken 上線之後引發熱烈討論，原來好多人以為麥當勞會好嬲要求 McBroken 下架，不過新世代的公關自有新玩法，美國麥當勞傳播部副總經理 David Tovar 轉推 Rashiq Zahid 的發文表示感謝，更加大讚只有真麥當粉先會做到呢種程度，讓更多人有機會嘗到美味的雪糕。據說麥當勞雪糕機成人壞係因為機械加熱清洗嘅程序複雜耗時 ，美國麥當勞指引會24小時就要加熱清洗一次， 而每次都要花四小時經十一度程序清潔殺菌，而唔少美國門市係24小時營業， 所以只能夠選擇喺非繁忙時間進行清潔， 故此人經常會遇到雪糕機故障，可能就係呢個原因。不過大家唔需要覺得麥當勞好認真好掂，因為呢度講美國麥當勞，而香港麥當勞是由中國中信資本金洪門餐廳管理，並不表示同美國麥當奴完全一樣。 
| |
|
鍾意就快D Share啦！
|
|
|
