在港有八間分店的華星冰室，餐廳老闆都是來自娛樂圈，有網民指早前撐警的藝人譚詠麟為冰室股東，呼籲抵制。今日冰室在fb專頁出了聲明，指「譚先生從不是股東，亦與我們沒有利益或業務關係，只是其中一位舊顧客。」集團主席簡文迪來自唱片業界，亦是金牌經理人，他在聲明指：，「本人是一個巴基斯坦裔土生土長的香港人，亦是回教徒。無論以往或將來，本人都相信世界上有公義、平等的人權，不應該有人受到歧視。」而他在聲明指，希望各界停止抹黑，對於被強加顏色標，深感無奈，最後強調「管理層完全支持對自由民主的訴求，亦支持政府成立獨立調查委員會。」
不過對於聲明，網民似乎就不太受落。有網民指，「得個咁嘅最冇成本嘅爛鬼聲明…就想過骨？！ 畀多少少誠意…洗底唔係得個講字…」，「4個月冇生意先嚟講立場？」、「哈哈哈。識得笑，真係好好笑。使唔使幫你哋tag 香港警察，話畀佢哋知你哋集團好支持成立獨立調查委員會？」、「而家為免被裝修個個都表態」、「但係咪有款美食叫校長多士?」、「割席真係最緊要割得快，為表心迹，不如助養下小朋友，提供免費學生餐，將所有舖面門口拎出嚟做連儂牆，睇大家咩反應先講啦…」
去片：
來源 source: http://www2.iso2.cc
|
鍾意就快D Share啦！
|
|
|
