昨日下午4時半，於西環一間動物診所見到《東張西望》主持阮嘉敏偷拍，袁小姐稱：「佢（阮嘉敏）同另一個黑衫女人一齊入嚟，話幫朋友問，隻貓做完手術後死咗，但醫生唔見佢。我唔係太理解件事，但佢哋態度好乞人憎，有個黑衫女人拎住部iPhone係咁好近影住reception個姑娘，佢（個姑娘）驚到唔知點反應，走返入去喊，然後有個高級少少嘅女人出嚟，最後診所就報埋警，而對面馬路好似一直有人偷影緊。」袁小姐表示當時自己帶住貓貓求醫，貓貓亦受驚，事件擾攘約一小時，《東張》才收隊離開。
今日記者到上址動物診所了解，負責人嚴醫生確認有報警，她表示不滿《東張西望》的採訪手法，將以公司名義向無綫反映事件，她說：「我哋有報警，我形容係有少少滋擾成份嘅採訪，有啲貓嚇到尖叫，佢哋離開後，出到門口喺玻璃都繼續拍攝，想佢哋探討番呢種做法正唔正確。」嚴醫生稱《東張》派出兩男兩女進行採訪，但事前未得允許，突然有兩部iPhone近距離拍攝當值姑娘，她說：「姑娘俾佢哋嚇到喊，另一位資深姑娘行出去問『請問你哋有冇問准拍攝？』佢哋承認冇，仲笑住話『喂，你驚iPhone呀？』我哋都有要求刪片，佢哋口頭上話delete，但最終都要返公司先。事後我哋都有安撫嗰位姑娘，希望唔好影響工作。」
問到是否有寵物主人向診所作出投訴？嚴醫生說：「之前係有客人查詢過，我哋都有畀番醫療紀錄，其實如果對我哋呢度嘅醫療過程有任何不滿，可以循正常途徑去獸醫管理局投訴，交畀一個持平機構講番個情況，至於今次病人（寵物）嘅問題，基於私隱係不便透露。」診所職員透露警方勸喻東張採訪隊離開，事件擾攘近1小時後才得以平息。
而阮嘉敏今日以短訊回覆傳媒：「不方便回應，謝謝。」至於警察公共關係科接受傳媒查詢，發言人則表示暫時未有收到有關求助。
去片：
來源 source: http://iso2.cx
|
鍾意就快D Share啦！
|
|
|
