沙田第一城的「鎖車隊」以極速鎖車享負盛名，昨日(15/7) 有網民上載一段影片至Facebook Group「馬路的事討論區」，一名身穿粉紅色連身裙、踢拖的大媽在第一城商場對開街道，用雙手拉扯鎖車大叔，她語並帶鄉音話:「你話長時間都話，一分鐘你都鎖。你影吖你影吖無所謂。一分鐘攞順豐嘅嘢，又唔係第一次係到攞，你通融吓架嘛…通融吓架嘛，真係一分鐘架咋。」
鎖車大叔指責大媽扯衫: 「爛喇！」
大媽回應: 「我賠返件衫俾你！你宜家過分得濟呀… 你蝦人! 你蝦人! 你蝦人!」
之後大媽更將鎖車大叔制伏，鎖車大叔無奈地解釋：「我個塔鎖咗喇，無得講喇… 你扯爛我件衫都無用…」
大媽壓住鎖車大叔回應: 「扯爛你件衫我咪賠囉！係咪離譜得濟呀？順豐入面嘅人都可以做證！太過分喇… 你哋蝦人！」
影片馬上引起網民熱議，有網民稱大媽軟硬兼施「唔知以為，老婆揾老公比家用」、又有網民笑指「竟然夠薑挑戰第一城鎖車隊？有料」、「快啲比幾百蚊打開阿姐個心鎖啦」、「當買兩個教訓囉，一個係一分鐘就鎖車，另一個係原來送秋波係冇用」、「仲以為係勞資糾紛」、「明知個度出晒名，仲駁」、「鎖埋果女人把口吧」、「阿伯真係慘比個大媽抽哂水」、「大叔係咪可以叫非禮？」
不過亦有車主同情她:「第一城一分鐘鎖車又真係過分嘅」。
影片:
來源 source: http://circle01.life
|
鍾意就快D Share啦！
|
|
|
