本來籌備工作進行如火如荼的BOYZ紅館演唱會，因為張致恒（Steven）一腳踏五船，今日英皇高層霍汶希宣佈演唱會將擱置。出事後，Steven一直未有回應，而前日與他出發到布吉拍攝演唱會宣傳片的關智斌（Kenny），剛剛在網上發佈了一條短片，含淚感謝大家對BOYZ的支持，而他亦希望Steven可以負男人應要有的責任。
Kenny今晚在其YouTube頻道中，發佈了一條名為「關智斌回應BOYZ演唱會擱置一事」，這係短片長4分05秒，一開始，Kenny先解釋自己正處布吉為BOYZ演唱會拍宣傳片，之後就反問為甚麼只剩他自己一個？他說：「因為噚晚到今朝我收到好多消息，都收到好多朋友打嚟嘅慰問，或者係佢哋打嚟嘅一啲疑問，呢個時候都要同大家講番聲，同大家講清楚成件事，本來想問Steven了解成件先去講，但佢噚晚就突然離開咗呢度，所以我都聯絡唔到佢。」
而Kenny表示因為不知道如何面對及消化演唱會突然擱置消息，故自己一直在想是否應該拍片去回應：「但有一樣嘢我一定要好感謝、好感恩，因為我記得當我知道有紅館呢個演唱會，我係一個天主教徒我每日都好感激畀咗個神蹟我，而呢個神蹟，亦都係你哋（指Fans）畀我哋，因為係你哋不停喺網上集氣，話畀BOYZ開演唱會，話畀BOYZ開一個騷。」此時，Kenny亦有點硬咽，強忍淚水的他，稍為停頓控制情緒後繼續說：「而呢件好神蹟咁樣係真係發生咗，所以我喺呢件事上面，好多人無論成功與否都好啦……我係有好多人我都好好哋多謝，我多謝我哋公司，咁多年冇唱歌佢都畀咗一個好嘅機會我哋，去幫我哋申請紅館，特別仲好多謝我哋嘅Fans，我哋公司上上下下畀我哋實現夢想嘅同事，因為佢哋知道呢件事係我等咗10幾年嘅一個願望、一個夢想。」
Kenny又指這一年中做的很多時事情如拍片等，都是以紅館為目標去做：「所以嚟緊我都會同大家講一聲最大最大嘅抱歉，係因為我哋BOYZ嘅紅館演唱會我哋暫時會擱置咗架喇，雖然我係好唔開心亦都係一個好大嘅遺撼，而Steven佢係一個我好好嘅兄弟，亦都係一個好好嘅手足，而我都相信佢會為了自己的行為，負返一個男人應有嘅責任，最後要特別多謝公司英皇娛樂，多謝公司兄弟姊妹，收到基仔、阿SA 、Sherman個個好支持我，會用好多方法，幫我完成夢想，好多嘢都係未知之數，有最新消息會盡快同大家公布，多謝。」
|
鍾意就快D Share啦！
|
|
|
