上星期上晒新聞嘅港大賤男 Kenneth Tsoi ，今日又有新新聞，但佢今次唔係涉及騙財騙色，相反地佢係借錢救人… 不過 Kenneth 仍然係衰咸濕，要求扑嘢兼拍片先肯借兩萬畀人，之後仲涉嫌send 祼照恐嚇女事主。
據報導，今年23歲嘅 X小姐去年同一名香港足球隊前代表隊員拍拖，可惜港足男友衰爛賭，債台高築，欠下約廿萬賭債。去年11月，X小姐收到男友電話聲稱被「大耳窿」禁錮，急需一萬元救命。但 X小姐曾多次向親友借錢幫男友還債，早已欠債纍纍，借無可借。在走投無路之下，忽然想起同事嘅前度男朋友 Kenneth Tsoi 經常在 Facebook 吹噓自己投資有道，一日內賺兩三萬，甚至一個月內賺百萬，於是 X小姐就向 Kenneth 求助。
X小姐透露 Kenneth 以前約過佢幾次出嚟食飯，不過佢都無應約，因為佢知道 Kenneth 係一個咸濕佬。X小姐曾經見過同事為求見 Kenneth 一面，竟然發短訊話:「我求下你覆我，最多我畀你搞，畀你SM啦…」所以X小姐對 Kenneth 嘅印像唔係咁好。
但嗰刻男友正被禁錮，就算明知要蝕底畀 Kenneth ，都無奈地搵佢借兩萬 … 結果 X小姐無估錯，Kenneth 真係剩人之危，要去扑嘢先肯借錢畀佢。X小姐無奈同意，但因為 M 到，希望遲啲先還呢筆「特别利息」，但 Kenneth 非常急色，等唔切第二日，仲即時由澳門趕返香港，帶X小姐去土瓜灣爆房。
X小姐話同 Kenneth 扑嘢期間，Kenneth 拎手機出嚟拍片，佢見到即時喝止，仲質問佢做乜拍片，Kenneth 就解釋:「我為咗搵偏財而養鬼仔，要犧牲家庭同愛情，所以溝唔到女，冇人同我扑嘢，啲片係要嚟自己睇同打飛機用 …… 不過等你還晒錢就會刪除晒你啲片！」當時為救男友，X小姐都無奈接受，仲簽了借據，答應三個月後還錢。
X小姐辛辛苦苦先借到兩萬幫男友還債，點知發現咗男友呃佢，筆錢唔係用嚟還債，而係又拎去賭… 佢終於醒覺同男友分手。
前男友原本答應 X小姐會分期還錢，但最後一毫子都還過。佢以前為咗幫男友還錢，搞到自己都債台高築，最後決定再揾 Kenneth 幫忙借多三萬應急。
問 Kenneth 借錢當然係要收「特别利息」，扑嘢、影裸照等都可以，不過 X小姐今次一一拒絕。Kenneth 就表示唔做呢啲都得，但前後借出五萬，半年後年本帶利要還六萬。X小姐最終同意還多一萬當利息，唔想再蝕底畀佢。X小姐強調從來都無想過收錢同嗰個賤男扑嘢，以前嗰一次就當「被鬼壓」。
半年後即今年5月，X小姐無法還錢，就提出分期方案，但 Kenneth 聲稱會委托律師追討。至今年7月中，X小姐突收喺 whatsapp 收到一張自己嘅裸照及 instagram朋友名單cap圖，對方聲稱幫「朋友」追債，並限佢3日內還清款項，否則會要佢「比死更難受」。佢話當時好徬徨，不知所措，只好同屋企人講，最後由屋企人陪同去咗旺角警署報案。兩日後，佢收到警方通知，已拉咗 Kenneth。
X小姐話睇到報導後先知 Kenneth 原來作惡多端，多達十多名受害人，所以佢想公開呼籲，其他受害人要勇敢企出嚟舉報賤男惡行。
相關文章:
賤男氹女上床玩SM 再逼女借錢 涉款超過百萬 (多圖)
|
鍾意就快D Share啦！
|
|
|
