事緣早兩日，同舊同學食飯，
本來一早約好哂食自助餐，點知其中一個話因為搬屋未搬完所以黎吾到，
佢話本身諗住2:00幾開始搬新租嘅屋，搬好夜晚就黎食飯，
點知搬屋公司第一轉10:00個客搬左好耐，攪到5:00幾先到佢度，
佢呻左句早知一早買層樓，自己供吾洗年年都係同一劇本⋯⋯
搵樓、搬屋、加租、吾續租、搵樓、搬屋⋯⋯（佢本身住元朗尚x,由上年$9500加到今年$12000）新租3百幾呎洋樓都要$8300），
佢呻計頭計尾住10個零月又要搬真係吾想再咁無限次，咁佢就冇黎到！
之後成餐飯有啲同學有買自住樓嘅，就梗係話其實有能力一定蝸居都要上車先，
冇樓租緊嘅就話依家咁貴又加息，遲啲買平好多，而同屋企人住嘅就話同屋企人住自由自在，遲啲結婚到時至算⋯⋯
成餐飯之後就好似「樓市論壇」咁，你一言我一語！
正當大家傾到興起果時，男班長就講左句：自古以來都係地主收租，租客幫人供樓，買吾到樓嘅又吾諗下自己一年兩三次日本深度遊，買車養車又換車，又話加息啲樓實跌，咁你買車夠實跌喇，莫講話加左0.25息，就算加5厘息我都未驚喇，租樓一年由$9500加到$12000都吾止5厘喇⋯⋯
之後全場靜哂，租樓果幾位立即低頭食野，一係起身攞野食，有樓果啲露出勝利✌️嘅笑容;
而我？
都係果句，有能力點都上車解決住屋問題，
吾理升升跌跌，冇能力就真係要減少享樂，盡快儲到首期，
當你成為過業主，就會明白升跌、供應、加息等等都吾重要！
（利申有層自住樓，五年升左一倍，當年九成按揭上車）
************
我只係分享一下餐飯嘅經歷，絶無話買樓一定係必須，只係每個人襯後生有能力時如果選擇左一件令自己五六十歲時吾須要再為年年搬而無住屋問題嘅事會後悔嗎？
我見好多網友還擊話租樓自由啲同有多餘錢可以去旅行，而我依個樓奴？今年已去1️⃣次大阪2️⃣次東京1️⃣次北海道同2️⃣次台北了，你可能會話我吹水，但其實只係我會取捨，吾會花多餘錢做無謂嘢，選擇一同家人快樂時光
租樓vs買樓各有支持係好事，所以大家無須太敏感，聖誕快樂
（完）
網友：
其實到今時今日，明嘅已經做左，唔明嘅一世都唔明
我都唔知租vs供有咩好比，交租比左人就唔會返轉頭，供就供比自己
|
鍾意就快D Share啦！
|
|
|
