食完個拉麵同炸洋蔥圈去排隊等玩飛車,排到30分鐘個心口開始頂住頂住,一度好想嘔，但一陣又好似冇事，情況反反覆覆。
終於等左50分鐘左右上車，隔離坐左個後生女，架車開始行就鬼殺咁叫。唔知係咪條女個樣問題，我呢個moment開始堅想嘔，心諗仆街，
d野開始係喉嚨湧上來，不過正好架車急速奔馳,可能風壓壓撚我喉嚨，監生推番d野入去胃,心諗咁都ok可以頂到下車。
點撚知架車中途係直路停左落來。隔離條女終於停左叫春，我望一望佢.咁岩佢又望過來,我即刻嘔左出來，有d炸洋蔥圈碎屑撈埋可樂拉麵係我口度飛左出來，
部份飛撚左落條女隻腳度,條女個一刻係呆撚曬,當佢正想再次大叫,架車突然又猛烈加速，
我都未嘔完，係喉嚨湧出來既野完全因風壓噴唔到出來,成炸野口腔浪下浪下,跟住架車係天空倒轉個時d野終於係氣管直衝我鼻頭，
就好似係泳池俾水入鼻咁痛,只不過呢家唔係水係嘔吐物。
臭撚到西咁一下車我即刻隻手掩面跑入廁所。唔知條女之後點
來源 source: http://ww.circle01.com
|
鍾意就快D Share啦！
|
|
|
