有一種女仔，真係拍拖太快，每次都係被飛果個，靚女，你可唔可以，唔好咁快拍拖？
有種女仔，每次都係被飛果個。被飛後佢會傷心欲絕，每次都會傷痕累累，每次都話自己好傷心，然後過一陣，你以為佢仲喺度傷心，你想要安慰佢，而佢轉眼間又有一個新男朋友。
你起初擔心佢會唔會只係搵緊備胎，點知無幾耐，佢又再分手，又再感到傷心，你問佢有幾傷？佢話每次拍拖佢都會全情投入……
有種女仔，拍拖快到好似換季一樣，好多人會覺得佢哋花心，其實佢哋唔一定係。只係佢哋好需要愛情，好需要獲得依靠，假如有種女人叫做「賤男磁鐵」，好容易吸引到賤男。咁佢哋一定就係「拍拖狂人」，用拍拖去填滿自己嘅生活。
佢哋唔一定被男人呃，但佢哋可能比果啲專門同賤男拍拖嘅女人，換畫換得更快。佢哋可以無咩性格，亦無咩要求，只要個feel啱，佢哋就會展開一段新關係。
你會問佢係唔係每次都遇上壞男人？其實問題唔一定出自男方身上。好男人又好，壞男人也罷，佢哋唔一定壞男人先會愛，而最大問題係，佢哋往往太快拍拖。唔係遇上一個負心漢，就係根本無打算拍長拖，又或者大家都未揀定。
Ceci係我見過嘅女仔中，拍拖次數最多嘅人，好容易感到孤獨嘅佢，亦好怕怕寂寞，一有唔開心就會喺朋友圈尋找溫暖，哪怕係一個贊，一個評論，佢都會覺得有種安慰感。
然後當佢又有男朋友，第一個動作就系響朋友圈曬出來；又分手，又會喺朋友圈尋找慰藉，周而復始……
拍拖分手，大家都見到佢嘅最新戀情。存在感令佢唔會感到孤獨，最重要嘅系，上次分手，就用下次拍拖來填補。愛得太快，結果揀出來嘅男朋友，唔系大家唔夠了解，就系慢慢發現唔夾，佢每次都哭哭啼啼，而其實我每次都諗，佢應該好快就會搵到下家。
有一種女仔，真系太快拍拖。
你可能會問，太快拍拖有問題咩？無，但如果你做唔到情場浪子，無法「Easy come, Easy go」，每次分手都痛不欲生，咁你真系無必要咁快拍拖。與其用分手嘅時間去傷心，何不好好認識對方，了解過後先至一齊呢？拍拖會令人感到疲倦，但問題系，你覺得呢個男人值唔值得一生一世？
「太快拍拖嘅女仔」總會安慰自己，下一個更好，而無花心思去揀個好男人，結果就系「分開簡單」，「抹去往事極易」，我都勸唔掂Ceci，因為我俾佢嘅意見，遠遠比唔上另一個男人講嘅一句情話，而通常佢用來講心事嘅男人，就系佢下一個戀愛對像，要解救佢，首先要佢自己明白：想要被愛，就要先去愛自己。
|
鍾意就快D Share啦！
|
|
|
