龔慈恩家有15歲的女兒林愷鈴（Ashley），清純靚樣吸引不少關注。音樂底子好好的Ashley日前獲邀為「日本動畫40周年展」活動，與唐韋琪（Vikki）合唱。龔慈恩坦言女兒興趣多多，要待她完成大學後再諗是否入行。
自小已愛唱歌和畫畫的Ashley，自幼稚園開始學朗誦，五歲時更是「香港兒童合唱團」成員，與唐韋琪合唱都沒有怯場。Ashley笑言：「同Vikki姐姐唔係夾左好多次，所以錄音同上台表演都有少少緊張，好在有其他同學一齊先好啲，而拍MV最開心，同成班同學玩到癲晒。」
她坦言過程好玩又學到嘢，多得媽媽在這段時間車出車入，陪伴左右。龔慈恩坦言女兒興趣多多，除了唱歌、畫畫，亦愛朗誦、彈琴、拉中提琴和打排球，亦愛研究外國的歷史建築。
除了龔慈恩外，還有其經理人、髮型師和工人，一行五人都算大陣仗，她見女兒一埋位，不是幫她弄頭髮，就是整理條裙。對於女兒今次的演出，她都滿意，不過給予壓力多過意見：「佢太多興趣，成日求我畀佢去歐洲睇歷史建築物，我覺得佢啱做建築師多啲，不過佢都鍾意唱歌，所以入唔入行等佢讀完書再決定。」
|
鍾意就快D Share啦！
|
|
|
