楊愛瑾（Miki）自宣佈與拍拖6年的「永安集團太子爺」郭永淳（Edwin）明年結婚後，一邊在金融公司返工，一邊搞婚事。早前Miki被拍到同媽咪現身中環某金舖，逗留半小時離去。Miki向媽媽連珠炮發呻個不停，之後更現出煩躁表情，壓力甚大，幸好有媽媽安慰。
Miki同郭永淳
由於未婚夫Edwin在投資銀行工作較忙，故籌備婚事的重任就落在Miki身上。Miki雖說一切從簡，但買金飾一定走唔甩，中國人傳統，出都要風光大體，故上周見到楊媽媽陪Miki到中環「周生生」買嫁妝。一入內她們先看龍鳳鐲，售貨員拿出多對新款給Miki選購，之後她又試戴了一些大型的金鏈。Miki看完後都心大心細未有定案，因金價近日不斷回落，故一向精打細算的她，未有即時扑槌，逗留約30分鐘後離去。
其實Miki一直渴望在明年二月生日月份（2月14日生日）舉行婚禮，但現時只剩下兩個月，時間緊迫，難免她會有點焦急，不過想靚靚出嫁就要Relax，搞到爆「壓力瘡」就唔抵
郭永淳上載與女友的合照，並留言甜蜜示愛（圖片來源：facebook）
Miki早前透露心目中的婚禮，是到一個人少的地方舉行，身邊有屋企人和最Close的朋友已足夠，她笑言搞得大型不似慶祝似做嘢。至於結婚相就考慮到歐洲或日本影，因為帶埋愛犬Toffee一齊去。
|
鍾意就快D Share啦！
|
|
|
