最近有人在社交媒體分享，在路上拾獲他人遺失的信用卡後，將卡片插入銀行櫃員機讓其「食卡」沒收，並在社交媒體上發文通知失主聯絡銀行。該男子的處理方式在網上引發討論，部分網民質疑做法可能涉嫌犯法，擔心會被誤認為盜卡犯，但亦有網民支持其善意行為。
事主 Threads 發文，通知信用卡失主，表示其滙豐 Visa 卡掉在路中心，「我幫你執咗，你聯絡銀行啦」。他另外上載一張銀行櫃員機「食卡」的畫面作為證明。
部分網民質疑港男做法可能觸犯法律，有網民警告：「如果張卡已經俾人盜用咗，然後那個人掉咗張卡喺條街度，你又好心幫佢入返落部機度，咁啱佢又報咗警，ATM 個 cctv 又影到你，你覺得你會點？」該網民建議應直接剪毀信用卡，讓失主自然會致電銀行取消卡片。另有網民批評：「最簡單你剪咗張卡，佢自然會打去銀行 cut 卡，銀行咪又會寄畀佢，我覺得你多舊魚！」質疑港男的處理方式過於複雜且存在風險。
港男解釋拾卡當日是星期日，銀行未有開門營業，附近商場保安因非在商場內拾到而拒絕接收，警署位置又很遠。他表示曾在滙豐應用程式聯絡客服但未有人回覆，「同埋有影住個過程叫做做少少嘢自保，相信無事啩」。
不過，更多網民力撐港男的善意行為。有網民表示：「做好事又會俾人 X 多餘，你話香港社會唔冷漠點得，應該掂行掂過，咩都唔知咩都唔理就最唔多餘」。有自稱曾任職解款員的網民指出，港男讓櫃員機「食卡」的做法沒有問題：「呢個做法其實係可以，只要 mark 返低咁做嘅時間同邊個 site 邊部機，再打返去銀行 hotline 報返就得，不過如果隔籬有分行就最好拎返去分行」。
亦有網民認為港男已經很好心：「樓主已經好心地，唔明仲要鬧」、「發覺喺街執到嘢，無論個處理手法係點，都一定會有反對嘅聲音，點做都係錯」。部分網民解釋銀行處理「食卡」的程序，表示讓銀行櫃員機「食卡」後不用特別通知卡主：「唔使聯絡，試過食卡，等 4 個工作天就寄返張新畀你」、「銀行會自動補發新卡畀佢，舊嗰張會直接銷毀」。
來源：Threads
相關文章:
伊朗銀行系統遭大規模網絡攻擊 銀行全面癱瘓 ATM 無現金可取 中國 5 年消失 30 萬部 ATM 「00 後」大學生：從來沒用過 ATM 長者用 ATM 自備摺櫈 被指似打街機網民讚好
分享到 :
最新影片
Follow 我們 :
|
鍾意就快D Share啦！
|
|
|
