自從Disney開始將旗下經典動畫作品翻拍成真人版電影，而且票房成績頗為優秀 (口碑另計) 後，佢哋對於「翻拍真人版」似乎就去到走火入魔嘅地步。而Disney情報網站《The Disinsider》近日就整理咗目前有關未來「翻拍真人版」嘅傳聞，當中除咗有《白雪公主》等以確定作品嘅情報，更有大量Disney動畫據報係排住隊等真人化，當中包括《Frozen (冰雪奇緣)》、《Moana (海洋奇緣)》等相對黎講非常新嘅動畫。唔知各位Disney迷聽到呢個消息，係驚喜，定係驚嚇呢？ | |
Rachel Zegler白雪公主造型 | |
Dwayne Johnson今年4月親自宣佈開拍並參演真人版《海洋奇緣》。值得留意嘅係條片有多達7.5萬個負評 | |
《The Disinsider》近日整理咗大量關於Disney真人版電影嘅情報，而當中單單係官方公佈、或被媒體確定會製作嘅，就已經有預計明年上映、由爭議不斷嘅Rachel Zegler主演嘅《白雪公主》、2022年於D23博覽會公佈嘅《獅子王》前傳《木法沙》、今年4月由動畫配音Dwayne Johnson親自宣佈，並將會親自主演嘅《海洋奇緣》、結合CG與真人嘅《Lilo & Stitch》(星際寶貝，即係史迪仔)、上月先有報導正式確認會由羅素兄弟製作、Guy Ritchie執導嘅真人版《Hercules》、以及6月時有報導流出，近日編劇表示為咗追上時代未必會有「媽媽死亡」劇情嘅真「鹿」版《Bambi》。淨係睇個名單都已經覺得驚喜 (或嚇) 一浪接一浪。 | |
《冰雪奇緣》  《公主與青蛙》 
《魔髮奇緣》 
《泰山》 
| |
但更令人驚訝嘅，或者係未來Disney真人版電影嘅傳聞。據《The Disinsider》報導，目前有傳聞指Disney有意將「真人版魔爪」伸向《冰雪奇緣》、《公主與青蛙》、《魔髮奇緣》以及《泰山》等近代經典，另外《亞特蘭提斯：失落的帝國》亦可能係Disney下一個改編目標。報導強調目前關於呢幾部真人版電影消息都只係「江湖傳聞」階段，就算Disney真係有意改編，都只係「十劃都未有一撇」嘅階段。但觀乎Disney近年對於真人版電影嘅執著，相信以上作品嘅真人版「最多遲到，但一定會到」。各位原作Fans要做定心理準備啦。 | |
資料來源：The Disinsider | |
|
鍾意就快D Share啦！
|
|
|
