見家長獲未來奶奶讚有禮 但疑因「面相」扣分感委屈
情侶初次見家長，總想令人留好印象。但除了言談舉止要表現好，有些地方卻不是自己能掌控的，例如眼緣。最近就有女網民發文表示，早前跟男朋友家人吃飯，自問表現得體，做足禮數，卻似乎感覺未來奶奶不太喜歡她。
該名女網民在香港討論區以「男朋友媽咪唔中意我嘅原因係我面相出事… 」為題發文，指日前跟男朋友的家人吃飯，初次見面自問表現良好「有禮貌食完飯有幫手執嘢」，登門造訪也有「買少少嘢上去」。惟男朋友的媽媽始終不太喜歡她，樓主和男友都不知原因。
最初樓主以為是因為「我做得唔夠好或者買嘅嘢唔啱auntie心水」，但有一次男朋友偷聽到父母聊天提起樓主，才真相大白。原來未來奶奶對樓主的印象其實的確不差，認為她「又有禮貌又識做人」，可是卻只有75分滿意。
正當男友爸爸也好奇，為何「講到份人咁好都唔滿意」時，未來奶奶稱是因為門牙唔齊。她指「面相學嚟講佢咪唔算最好囉！聽啲人講，門牙代表父母，男左女右唔齊個邊係講緊個人古怪咁解，右邊唔齊咪即係佢媽咪份人好古怪囉！有其母必有其女，點知佢會唔會都係咁古怪架？」
樓主對於自己因為面相原因而不能獲滿分感到相當無奈，又認為其母親為人並不古怪，「係有時諗嘢好跳tone啫，咁都算古怪？」她又質疑未來奶奶的理論是否可信，反問「如果箍咗牙我媽咪就會變唔古怪架啦？面相學真係重要過個人品？」
網民紛紛留言指奇怪的是未來奶奶，「咁都有得挑，第日嫁咗過去仲有排受」、「好想知男朋友右邊門牙係唔係都唔齊」。也有人認為「揀男友要揀埋佢家人，如是麻煩人，你揀過第二個家人無咁麻煩嘅重好，我嘅經驗之談」、「男朋友阿媽實會有嘢睇我哋唔順眼」。
往下看更多文章
本文作轉載及備份之用 來源 source: http://www.bastillepost.com
|
鍾意就快D Share啦！
|
|
|
