| 【係愛定責任？】環球影業率先變陣首輪新片串流及出租 | |
全世界都知源頭的武漢肺炎搞到電影業半生不死，美國電影票房上週慘烈低收同股票一樣就快「溶斷」。電影業巨頭之一的環球影業率先變陣「落地行」將現行上映中的最新首輪電影放上網出租，本週五起比20美金(貴5倍)就可以係數碼平台租新片睇，當中包括全新電影隱形人 (The Invisible Man),獵逃生死戰(The Hunt)及(Emma)等。四月上的魔髮精靈唱遊世界 (Trolls World Tour)比US20蚊都有得睇。不過迪士尼就暫時唔同意呢種方式，選擇全面押後暫停放映。作為愛電影迷，我建議大家升級你家庭影院，靚聲靚畫過戲院睇戲可能又安全又開心。 美國電影業經歷過最低處未算低的低潮一週後，環球影業就作出咗上述嘅安排電影放上網畀人租。 電影片商目前只能夠縮短實體戲院上映時間， 支援網絡平台數碼租片，不過一般 亞馬遜，iTunes和其他數碼頻道租電影只需美金3.99，貴5倍US20睇套新戲又有幾多人願意呢？ 過去正常嚟講喺戲院播放賺取利潤金額遠多於網絡出租及銷售， 因此現今世界電影院成為主要電影業投資同播放嘅主力場地。DVD的銷售、租片以及電影的數碼傳送僅佔整體電影演出收入的一小部分。根據DEG：數碼娛樂集團的一份報告，單睇上年一年，電影購買和租片在數碼和物理格式上的總金額就達到93億美元，不過2019年全球票房收入達到創紀錄的425億美元。 環球影業如此改變，係抗衡冠狀病毒以及防止病毒傳播的措施對電影業產生的更重大嚴重影響迫不得已之舉。題外話旗下環球影城主題公園都已停業。早前已經有多部電影，包括迪斯尼的真人版花木蘭，鐵金鋼007，以及狂野時速9等電影，都因武漢肺炎而被推遲。隨住病毒繼續傳播，迪士尼，華納，Netflix和其他製片廠的多部電影和電視作品的拍攝都被擱置左，過後好可能導致以後的電影全部受連鎖影響推遲發行。講落又係一個諷刺，當上年一大班電影人狂串Netflix串流電影唔係電影時，今時今日遇上疫情，電影業界是否也應潮向網絡串流電影的方向進發呢？ | |
|
鍾意就快D Share啦！
|
|
|
