| 【這是抗爭？】《爆機自由仁》死侍賴恩雷諾士NPC起義攬炒遊戲世界 | |
下年7月死侍賴恩雷諾士暑期電影巨獻《爆機自由仁》，話說主角就好像你我他一樣，係電腦遊戲世界中的NPC，每日過住鹹魚般嘅返工生活，外面世界話我哋係港豬，每日返工返工返工，作為NPC連最基本個人嘅意志都無，直到有一日一場意外，好地地嘅遊戲世界竟然產生咗一個Bug，好食好住有工返有樓供的NPC忽然醒覺，發覺原來自己跟本活在別人的遊戲當中，於是立志自己世界自己救，勢要光復世界做攬炒爆機自由仁。 開槍爆炸射擊撞車好暴力，做隻普通NPC活係制度暴力下面，可能才是最安穩妥當生活，但一朝覺醒的死侍「自由仁」誓要不惜一切扭轉命運 ，在虛擬人物Molotov Girl(汽油彈的英文係molotov cocktail) 的協助下，由閒角「任何仁」變身「爆機自由仁」，攬炒拯救面臨摺埋的遊戲，對遊戲世界嘅人嚟講，呢種程式出錯就像交通燈壞咗，係不能接受的破壞，又有誰知道爆機自由仁其實是拯救緊自己嘅遊戲世界。  無錯電影劇本聽落好有趣， 卻又讓人感覺好像舊樽新瓶， 如果《阿拉丁》《獅子王》《花木蘭》 全部迪士尼大作都有真人版， 咁呢套好可能就係《無敵破壞王》真人版電影， 應該就係無敵破壞王2打爆互聯網改編死侍真人演繹，卻又讓人想起 另一間電影公司得意大作《挑戰者1號》，迪士尼旗下嘅20th Century Fox借橋都借得幾好， 反正預告睇到讓人滿心期待，整個嘅製作班底非常強大。《爆機自由仁》由《怪奇物語》監製、《翻生侏羅館》導演桑里維 (Shawn Levy)，伙拍《死侍》賴恩雷諾士，玩轉電腦遊戲世界。天馬行空瘋狂爆笑玩轉極限，集科幻、動作及喜劇於一身，精彩度加新鮮感肯定爆燈！ 
或許有港豬豬朋友真係蠢到睇唔明劇情，咁等我再用另一個方式講一次，如果你打緊機玩緊《GTA5》的時候，平日乖乖舉高雙手嘅遊戲內電腦甲銀行職員， 竟然搶槍反抗重將你打死， 很肯定就係遊戲出錯，有好大個BUG，呢個正正就係《爆機自由仁》的電影劇情。 明唔明呢？唔明你返屋企睇粵語殘片啦。 
「當某個東西擁有生命後會發生什麼事？」就係當你醒覺之後發覺原來在上位嘅管理者全部都係冇生命的NPC， 重重覆覆死不認錯，無錯因為佢背後真正嘅玩家從來都唔當你係人， 其實大家有冇諗過呢個世界真係一個虛擬game遊戲裏面，如果你發現事實嘅真相，就會有強力部門將你變成浮屍 ，你唔係真係信呀？ 夠鐘放工然後返屋企食飯瞓覺，聽日準時返工，冇藉口呀！ 
《爆機自由仁》預定 2020 年 7 月 3 日在美國上映，香港暫時預計 7 月左右時間上映。 | |
|
鍾意就快D Share啦！
|
|
|
