阮民安（Tommy）今日以全黑裝束現身旺角參與「香港之路」活動，表達反送中五大訴求，其間被不少市民要求集郵。曾被指是MK仔的Tommy走到旺角「主場」，他自嘲是「哎呀歌星仔」，希望今晚可以與大家一齊唱歌。
對於現時抗爭行動遍地開花，香港人以不同形式表達訴求，Tommy說：「我好buy呢樣嘢，所以身體力行支持，呢個活動冇大台，係由網民諗出黎。我覺得現時係兄弟爬山，各有各做，勇武有勇武嘅方式，和理非有和理非嘅方式，只要唔係犯法我都會出嚟支持。」
對於最近不斷有疑似警方濫用暴力的事情被揭露，他表示憤怒：「雖然我哋已經用咗好多力，但係希望香港人唔好鬆懈，因為我哋仲未得到回應。大家有任何想法，哪怕嗰個方向未必大家100%認同，都可以提出嚟一齊傾。」
至於陸續有藝人「跪低」，Tommy表示很難過：「最慘係佢哋之前聲嘶力竭咁話支持香港、支持廣東歌，我都明白佢哋有難處同埋既得利益，但係作為支持者同香港人會好傷心，冇辦法，佢哋嘅決定係咁。」他坦言在這個困難環境，假如有藝人仍然努力推出作品，希望大家可以支持。
問到Tommy會否擔心被滅聲？他說：「坦白講，我同太太投資嘅品牌，有喺大陸銷售嘅計劃。當我嘅立場咁鮮明之後，我都冇諗會有咩影響，我老婆、我一家四口都好支持我。喺良心同錢同人民幣之間，我揀咗良心，因為香港係我最愛嘅地方。」Tommy透露很早已經收過電話，提醒他不要多言，但Tommy笑謂：「佢唔係嚇我嘅，可能係善意嘅提醒，我唯有希望自己可以喺香港、日本，將來如果有機會去台灣會做好啲囉。」
剛由美國回來的黃夏蕙，日前爆出要參選灣仔區區議員，她今晚都現身灣仔加入人鏈行列，以支持「香港之路」活動，夏蕙BB身體力行關心社會，她也配合大會的呼籲亮手機燈。夏蕙BB今晚接受電話訪問，她大講做人鏈的感受：「每個先進國家都可以有唔同意見，和平表達訴求係冇問題。」
去片：
|
鍾意就快D Share啦！
|
|
|
