屯門公園遭大媽攻陷，每日都有人準時開咪唱歌已經唔再係咩新聞，無論大媽點俾人追擊、俾公園管理員驅趕、或者被市民指罵，大媽仍然存在，因為佢哋有一大班每日都會去派錢嘅阿伯支持。
一年前統計已經有十二檔，差不多圍住成個公園，相信今年已出現更多新檔。
有阿伯就表示「唔可以畀老婆知嫁！女人唔鍾意自己男人咁呀！」
不過唔係每一個去屯門公園聽大媽唱歌嘅阿伯都有老婆，有阿伯就表示自己一個人住，每日喺屋企都係「一個人對住四面牆」，退休後無所事事，「咪落黎公園消遣吓！」
亦有阿伯特地搭兩蚊雞車，由東涌遠赴屯門聽大媽唱歌:「搭車時間唔係問題，退曬休有乜做啫！」
甚至有阿伯話用退休金、生果金做打賞:「見過人派到無錢開飯、仲有人派完再即場問人借錢再派過。」
有屯門公園嘅管理員嘆道:「佢哋好似食曬藥上癮咁，日日都要黎！」班大媽就係睇中香港一班阿伯寂寞難耐，所以先會嚟香港為班阿伯喺公園唱歌身舞、寒暄問暖、遞上啤酒及零食 … 目的就係為得到一班阿伯嘅打賞。
一般阿伯會封10-20蚊利是做打賞，不過一次會派幾封俾同一個大媽；稍窮嘅阿伯一日會派一百幾十蚊、環境稍好嘅一日最少派一千幾百，所以令到喺屯門公園唱歌嘅大媽月入高達20-30萬元。
喺屯門公園唱歌收入太好，最近竟然有男扮女裝嘅男人去搵食，咪睇小佢一副人妖版 Michael Jackson 咁嘅樣，一樣收到好多打賞。
為咗得到阿伯更多打賞，大媽出盡渾身解數，打扮得愈來愈性感，著吊帶小背心、tube top、貼身短裙，有意無意間露出性感厘士bra及T-back。大媽隨住音樂，邊唱邊跳邊自摸，拋胸扭屁股，甚至走去阿伯身邊，輕撫阿伯身軀，與阿伯大跳貼身舞 … 有阿伯即時high爆，反眼伸脷，狀甚享受。
不過阿伯都一把年紀，玩得太過high其實好易中風、甚至有可能暴斃。就今年4年4日，「一名71歲姓潘老翁於屯門公園內觀賞大媽唱歌跳舞期間突感不適，未幾暈倒地上，友人見狀報案。潘伯事後由救護車送往屯門醫院搶救，惜終告不治。(蘋果日報)」。
大媽到屯門公園賣唱呢個問題早喺2004年已經有，不過以前得一、兩檔，問題並唔算嚴重，但自從旺角西洋菜街殺街後，大媽就搬晒去屯門公園擺檔，數量仲愈嚟愈多。而聽歌嘅阿伯亦由十幾人大幅增加到幾百人，搞到屯門公園每日都好似開嘉年華會咁。近年呢個問題先惹起咗傳媒嘅關注，亦因為傳媒廣泛報道，結果產生咗昨日 (6/7) 嘅《光復屯門公園》遊行。
高登音樂台作了首歌講屯門公園嘅阿伯:
《屯門公園主題曲》
阿伯咸濕的秘密 皆因無人無物
有處痕癢 最愛絲襪 摸下要二百七
阿伯咸濕不秘密 呀叔周圍猛昅
佢最常看 我個胸凸 淫到佢直不甩
就是人瑞 見褲就除 色心不會累
氣血仍虛 講一句 想要食糖水
禽獸 禽獸
想摸嘢 想high嘢 想莊嘢 想Do嘢
開心夠 冇悶愁 照舊 昅夠就想走
相關影片:
相關新聞:
|
鍾意就快D Share啦！
|
|
|
