「連儂牆」遍地開花，九龍灣淘大花園通往觀塘道的橋底，被市民闢為「連儂牆」，兩邊牆身貼滿市民心聲的貼紙。凌晨零時許，一名身型肥胖姓黃46歲的肥漢到來，撕毀牆上的貼紙，姓李65歲義工上前阻止時，被肥漢揮拳襲擊，其他義工見狀立即將肥漢包圍。肥漢竟然惡人先告狀，打999報警:「我姓黃，被15個人圍住，好驚，快啲派差佬嚟」。
肥漢粗言辱罵包圍他的義工:「廢青！」、「一下都捱唔到，點搞革命呀？」
一名姓麥36歲義工企前與肥漢對峙，肥漢雙手伸前，擺出葉問準備打架的姿態說:「你識唔識呀？識唔識？」麥義工沉住氣未有理會，卻突然遭肥漢拳打面部，並說:「你要唔要呀？要唔要呀？」話口未完，肥漢又再動手向麥義工揮拳，最後將麥義工毆至倒地，肥漢聲稱自己飲醉酒:「我做乜都得，拮你兩刀都仲得」，短短兩分鐘內，麥義工就捱了肥漢13拳。
麥義工起身，其他人欲阻止肥漢，卻又被臭罵；但肥漢「識英雄重英雄」，欣賞麥義工說：「吖，夠硬淨，我同你傾！」惟麥義工沒有作聲，繼續以身當肉盾，阻止肥漢離開。肥漢開始「發癲」，不停大叫：「你搞革命，搞乜撚嘢革命？後生仔唔撚係咁做嘢呀！你洗過碗未呀？煮過飯未呀？養過家未呀?」有義工應回應：「有！」肥漢繼續大鬧：「你做乜撚野丫？」義工則回應：「我做乜野唔關你事！」肥漢又指住連儂牆上的貼紙，「呢啲乜撚嘢嚟㗎，後生仔唔係咁做嘢」。
未幾，警員接報到場，以涉嫌「襲擊導致他人身體實際傷害」將肥漢帶上警車，而幾名傷者則由救護員治理。
麥義工事後表示自己有學習跆拳道，擁有跆拳道黑帶級數，閒時亦有打泰拳。他憶述當時情況混亂，「如果我還手，件事會唔知發展成點」；當時現場又有小朋友、老人家及女士在場，如果情況更亂，大家會手足無措。「我覺得我有能力作為中間，你話保護佢地又好，幫佢地擋一擋都好，正常都應該要企出黎」、「我唔係想用暴力去宣洩任何野，或者幫我Defense」，認為大家都熱愛香港，想用自己方式表達自己理念。
影片: (完整版)
|
鍾意就快D Share啦！
|
|
|
