熱爆娛樂 +: 【多圖】鍾鎮濤梁家輝撐警趁7月1約埋外遊

2019年7月1日星期一

【多圖】鍾鎮濤梁家輝撐警趁7月1約埋外遊 _-,張家輝,梁家輝,鍾鎮濤,

昨日建制派在金鐘添馬公園舉行撐警集會，梁家輝、譚詠麟（阿倫）、鍾鎮濤（阿B）、陳友、陳欣健、尹揚明、高志森等出席撐克警，着藍衫的家輝指警方值得支持，阿B和阿倫更冒雨站台發言，阿B直斥現時年輕人「九唔搭八」，而揚言不談政治的阿倫，卻指「香港再係咁落去真係無得救」。

作為具高知名度的公眾人物，有網民批評他們的言行乃極差的榜樣，為其是非不分感到好心酸，有歌迷怒碎阿倫和阿B的唱片割席。今日7.1大遊行，着黑衫反送中的市民遍地開花，而梁家輝和阿B兩家人，就趁7.1約埋出埠旅行，被讀者張小姐在香港機場捕獲蹤影。



張小姐接受電話訪問表示：「今早7點幾，喺機場禁區見到佢哋兩家人，首先係鍾鎮濤嗰家人出現，之後見到梁家輝同太太江嘉年一家人，鍾鎮濤同屋企人上電動車去閘口，而梁家輝就去買煙，返嚟再會合屋企人坐機場電動車，佢哋分兩架車一齊出發。」



從讀者提供相片見，阿B同老婆范姜及囡囡離港，梁家輝企埋角落等候，問到有冇人對他們指指點點？張小姐說：「冇，可能時間好早，唔係太多人，附近又多大陸旅客，但都冇人圍佢哋影相。」阿B和家輝撐克警被網民鬧爆，問到現場見到兩人心情可有異樣？張小姐說：「佢哋匿埋角落位，唔會行到好出，鍾鎮濤同梁家輝都戴黑超遮樣。」