估唔到成龍都有被網民吹奏嘅一日！是咁的… 有網民喺 LIHKG 開po話「因為有甄子丹呢啲垃圾黃種人,令我終於開竅, 明白點解全世界唔同種族嘅人都咁鍾意成龍了」拎成龍同甄子丹嚟比較，又真係高下立見，開PO一日就有近三千個正評支持。
其實之前已經有人將劉嘉玲同汪詩詩比較，劉嘉玲即時升級成為一個大方、賢慧嘅貴婦，又係即時高下立見!
原文:
有甄子丹呢啲紅少少就扮大袋, 傲慢同氣粗嘅香港武打明星做對比,
令我終於開竅, 明白點解成龍可以上到國際神台。
如果大家有留意成龍上韓國, 日本, 歐美等大小節目,
就會發現成龍係絕對唔會扮大牌, 同唔同國家既人都會有講有笑, 勁撚親和, 玩得勁癲, 正正係呢點, 全世界唔同種族都有人非常迷成龍, 歌曲, 遊戲同動畫都會有成龍嘅出現, 有成龍嘅影子同映射成龍, 例如動畫銀魂, 火影入面嘅凱,龍珠入面嘅悟空。
成龍呢啲人係幫黃種人拉高國際形象, 但係甄子丹呢啲為咗發大財, 可以利用民族主義煽動中國人仇視全世界, 吸引愛國慎青睇佢啲垃圾電影, 拖低黃種人嘅國際形象都冇所謂。
我建議全世界由今日開始唔應該再請甄子丹去任何大場合, 以佢嘅身高同弱智程度, 一定會屈鳩你狗眼看人低。
* 《龍珠》作者鳥山明公開話過悟空原型係成龍
網民回應:
「其實都幾岩 唔計條友私德」
「老實講, 成龍私底下做乜都只係影衰佢自己, 淪為其他人笑柄, 但係甄子丹做緊既野係令到佢代表既族群蒙羞」
「記得之前參加交流團講過, 成龍雖然係搞好多女人, 但佢係電影嘅貢獻真係好大, A計劃果度5米高跳落黎重傷查親條腰一年, 但之後啲動作片依然去盡, 成60幾70歲人成身傷依然好多時候親身上陣, 所以佢成為國際電影武打巨星真係有原因, 電影黎講真係拳出成龍, 腳出李小龍」
「種族歧視呢種嚴重指控真係唔好隨便用, 最近槍手先掃射完冇幾耐, 大家對種族字眼好敏感」
「成龍嘅成就係華人影星上, 係李小龍之下，其他人之人，不服來辯」
「確實好少聽成蟲擺款」
「係外國旅行 d人剩係識成龍同李小龍, 仲要係伊朗試過入到某間餐廳電視播緊成龍」
「之前係澳洲戲院睇葉問3, 一個外國人都冇」
「成龍私生活唔影響佢對電影界同華人社會嘅貢獻。」
「成蟲好撚癲, 去到日本話自己日本人, 去到台灣變台灣人, 韓國就變韓國人, 抵佢呃到老外歡心」
|
鍾意就快D Share啦！
|
|
|
