曾樂彤在早前嘅「KKBOX香港風雲榜」獲年度新人獎，但網民質疑佢咪嘴，曾樂彤見到咁多批評即時喺 IG 反擊:「嚟鑑定下，練咗成三個星期就係為咗個Show唔好失禮畀機會我嘅人，有懷疑歡迎重溫。」最後仲加上個粗口 hashtag #micnlm，即「咪你老母」。
游學修眼見女友連日被網民追擊，今晨(17/3)終於忍唔住幫拖，喺 Facebook PO 長文撐女友…
小弟一直避免將感情事再擺上枱面
是因為汲取教訓，保護自己保護他人
但深夜眼見網上又再出post追擊
作為另一半，實在於心何忍
多口講兩句，兩間公司經理人又要受罪了，抱歉
我旁觀者，我口多，我無需要隱瞞
事實就是
她憑著點擊率贏得年度新人，站上一個大型舞台，與所有一線前輩同台
她盡力苦練，又唱又跳，在那個無人為她而來的場合，幾分鐘的廁所位全力表演給大家看
她很驚很大壓力，我跟她說，你可以有壓力，但你一定要享受，觀眾才有機會也享受
如果真的很怕，就當唱給我一個人聽好了
如是者表演結束
本來是得獎、光榮的晚上，換來的是無數咪嘴的批評
10個藝人有9.5個都在意評論，關鍵在於能否調整過來適當面對
事實就是她認認真真從無咪嘴
事實就是大家聽到都是咪嘴
事實就是她非常沮喪和氣憤
事實就是她調整不過來
她不理解，為甚麼會換來這樣的結果
所以用了那幾個英文字母hashtag去含蓄地表達那谷底的情緒
我卻是不斷鼓勵她「嬲咪屌9佢地囉，理直氣壯怕咩」
如果她要道歉，她應該為自己竟然在娛樂圈真性情而道歉
如果她要檢討，她應該檢討如何贏得更多觀眾歡心
我以上呢番說話係同個啲正常人講
唔係同你班hater講
你地係唔會變
你地覺得必須將佢除之而後快
加油
我希望佢打得贏你地
我可以做嘅
就只有係你地隊冧佢之前
繼續陪住佢，槍口對外
套用《新喜劇之王》一句對白
「她很努力，她會成功的」
又睇下網民點回應:
「欣賞你敢言。但係一句情緒低落唔係解釋，人地正面撲擊最好係借力打力而唔係同佢對衝。做公眾人物同做youtuber心態係有分別。仲有，事實上佢真係唔係做歌手材料，要麼証明比大家睇大家睇錯了，唱片公司做對了，如果唔係就要有心理準備會承受啲咩。以上都用真心話回應你嘅真心話。」
「就算有hater都唔洗屌鳩人呀？ 利申：非hater」
「如果她要道歉，她應該為自己作為一個歌手，但零公關技巧咁對待公眾，
如果她要檢討，她應該檢討點解唱嚟唱去都係咁，
而唔係個男朋友出嚟”護花”」
「晚我有份聽live 佢真係好明顯係咪嘴。
枝咪拉開咗 把聲係一樣
我冇必要講大話
唔通會無啦啦咁多人一齊黎屈佢？
當時坐我隔離左右既人都議論紛紛一齊話佢係咪咀
仲要唔認都算 仲要問候人哋老母
我地做錯啲咩？有必要比呢個冇家教既歌手問候？
呢個人嘅態度都好有問題
唔好蝦我哋啲香港人唔識聽
一聽就知
好似果晚aga live好完美
但唔會有人質疑佢咪咀 因為我哋真係識聽㗎」
「痴線~ 佢果晚唱根本就係CD VERSION黎… 因為我係現場聽真係勁明顯，我果陣都o左嘴
但估唔到佢唔認，還要x人老母，以為咁樣就會過到關，真係傻豬黎」
「一定係咪嘴，我坐第一行，聽得好清楚 (附圖)」
「就算唔係咪嘴都唔洗咪人老母，一個咪嘴就已經睇到人格，咁如果比人話其他嘢，又屌哂人地老母?做藝人就係要識委婉，即使自己做錯，冇傷大雅嘅，咪自嘲下，動輒就問候人老母，點喺娛樂圈生存?EQ重要過IQ好多」
「英皇幾時開始學星夢請垃圾㗎？」
「睇電視都知佢咪仲諗有冇咁明顯」
「我個人認為，可能佢真唱，但主辦單位應該落咗好重CD聲成份落去，所以就會咁」
今年24歲嘅曾樂彤，2017年加入英皇娛樂歌星部，近年橫掃樂壇多個新人獎。佢出道前，已經係一名美容達人YouTuber，儲落唔少 Fans … 睇返佢啲舊相，見佢嘅化妝術真係幾經，一「變身」就可以即刻變成宅男女神樣，簡直係神乎其技。
|
鍾意就快D Share啦！
|
|
|
