年過50，依然經歷失戀的李麗珍。「再唔走番出嚟就係等死，唔想死，唔想令粉絲、家人、朋友失望，我一定要令佢地為我鼓掌。」53歲的李麗珍堅決不再糊塗，重新振作開始。亦因此有勇氣首度剖白，這兩年的失落重創。她以為長相廝守，最後潘源良離她而去。
「因為都係最長嘅一段，我都感覺到佢係對我好好，而且有咁多歌詞喺身邊附和住，諗住呢個係好難分開。直到有一日真係分開，我就戇居居喺度等，以為佢會返轉頭，可以再喺番埋一齊，或者大家可以有啲咩嘢改變，但最後原來佢都係唔要我，都係好似我做錯嘢一樣，我係好失望。」![]()
2016年的一天，他一句:「我要走！」，三度復合的十年關係，從此一刀斷。但當下的她，仍寄望有第四度復合。
「有㗎！因為曾經分開過兩次，今次係第三次，可能變成一個習慣咁樣，但我已經等咗兩年，而呢兩年情緒都極度低落。」
「好傻，之前每次講起都會爆喊，我都食咗兩年情緒藥，直至佢搵到幸福快樂，我開始無再食藥，覺得就算再食都無用。」放下他，原來是最好療效。
有緣冇份，總留下遺憾。![]()
「每一次我都係俾人飛，你咪睇我好似好惡死，或者又同男朋友分手嘅新聞，其實好多時係對方提出，我都唔想，我都渴望有一段好長，好安定嘅感情生活。」
還相信真愛？「我都仲有個期望，仍然相信真愛。不過年紀愈嚟愈大，未必好似以前咁多人追求啩！不過仍然希望有人愛錫，所以我對將來仍然充滿希望。」
來源 source: http://lam777.com
|
鍾意就快D Share啦！
|
|
|
