柔逸靈巧。Roger Dubuis 另一種極致 _-,

對於男士嚟講，RogerDubuis最出名肯定係Excalibur系列嘅Skeleton鏤空錶盤設計。繁複交錯嘅架橋之中，仲清楚見到品牌標誌性嘅SkeletonStar，豪邁不凡、霸氣四溢，兼且非常Muscular，猶如太極圖案之中嘅陽面；反過來RogerDubuis嘅陰柔面女裝錶亦做得相當特別，尤其Velvet系列嘅前衛設計令唔少男性錶迷都印象深刻，而VelvetRibbon三部曲嘅最後兩幕，亦 ...

對於男士嚟講，Roger Dubuis最出名肯定係Excalibur系列嘅Skeleton鏤空錶盤設計。繁複交錯嘅架橋之中，仲清楚見到品牌標誌性嘅Skeleton Star，豪邁不凡、霸氣四溢，兼且非常Muscular，猶如太極圖案之中嘅陽面；反過來Roger Dubuis嘅陰柔面女裝錶亦做得相當特別，尤其Velvet系列嘅前衛設計令唔少男性錶迷都印象深刻，而Velvet Ribbon三部曲嘅最後兩幕，亦於早前隆重登場。

Excalibur Spider Skeleton Double Flying Tourbillon

女神，一個人人都掛喺口邊嘅名詞，到底「女神」有無一個廣泛嘅定義? 我所指嘅唔係鐘意收兵嘅嗰啲觀音，而係真係代表美善，如同Muse嘅存在。Roger Dubuis透過「Year of the Velvet Diva名伶之年」，為女性之美訂立5大面向 : 複雜細致、貓樣性格、征服精神、誘人磁力、奇想遠見；個鐘錶設計亦以表現呢5大美態為主題。大家不妨睇睇呢兩款Velvet Ribbon系列，有無散發到上述嘅女性氣息。

新款Velvet Ribbon腕錶一共鑲篏重8.67克、385粒鑽石 (嘩，好閃!)，36mm白金酒桶形錶殼，鑽石錶圈分成外、內兩環，寶石切割方式各有不同，上下兩個飾帶交結成微妙嘅曲線，複雜細緻嘅程度毋庸置疑。閃亮鑽石配上柔順嘅黑色緞面織布錶帶更顯媚態；腕錶搭載RD821自動上鏈機芯，限量88隻。

另一款Velvet Ribbon頸鏈時計則更為美妙，時計隨著一連串日本Akoya珍珠垂落而下，內裡亦有縞瑪瑙珠作為點綴，極之優美；流蘇部份亦同樣以黑白為主調，形成精巧嘅對比。共918粒鑽石襯托36mm白金錶殼，計時核心為RD801手動上鏈機芯，全球只有8隻。

咁啱下星期Roger Dubuis將會於上海南外灘開設一個體驗區，玩視覺效果去突出Excalibur Spider、Velvet Ribbon兩個系列之剛柔並制，叫得感官享受之旅，唔知到時會唔會有VR製錶體驗呢?

來源 source: http://menclub.hk

鍾意就快D Share啦！

下一篇 》