女子組合FFx月初玩拆夥，棄將楊澤怡（Shirley）上星期向本報哭訴遭43歲前經理人何英傑（Sam）威迫做性奴，又大爆FFx其他成員的淫亂關係，年僅17歲的周葆諭（Christy）與Sam即齊聲指Shirley講大話，事件演變成羅生門，不甘被指大話蓋大話的Shirley坦言可跟Christy等人當面對質，還大爆Christy介入導致分手後，經常被Sam針對性辱罵，Shirley憶述說：「五月出席母親節活動後，Sam漏夜call我、Christy、Mizaki出嚟鬧，喺保母車上狂爆粗要我叩頭認錯，結果我驚到癲癇發作暈咗，到醒返時發覺自己衣衫不整，Bra扣和褲頭鈕都被解開，下體感到好痛……」說到這裏，Shirley已泣不成聲，事後亦表示會報警求助。 採訪：彭子僖
憑《Sugar Baby》廉價MV爆紅的女子組合FFx，近日是非不斷，繼月初三位成員李詩詠（Ceci）、潘穎琳（Mizaki）及周葆諭公開數臭21歲來自兒童之家的楊澤怡「三宗罪」後，被遺棄的Shirley即爆喊指，加入FFx兩年來一直活在經理人何英傑的淫威下，收工被帶到時鐘酒店、曾遭掌摑威迫性交、密做三百場騷僅得七千蚊人工，直至Sam搭上17歲女神Christy才被踢出局，報道出街後，Christy與Sam齊聲否認拍拖，直指Shirley講大話。
「Christy可去驗處？」
不甘被指講大話的Shirley日前再度接受本報訪問，對Christy否認搭上Sam一事，Shirley說：「我無講大話，係Christy親口同我講Sam搞佢，話好驚，因佢未夠18歲，如果真係咩關係都冇，佢係咪可以去驗處（處女）？」至於跟Christy和Sam之間的關係究竟係點？Shirley哭著說：「Christy一直知我同Sam嘅關係，但估唔到佢會做小三，仲要講大話屈我做雞，佢哋唔係人。」
被迫叩頭認錯
Shirley爆喊指在Sam和隊友眼中連狗都不如，她說：「Sam對我有時會o氹有時會鬧，我唔識分咩叫好同唔好，以為佢只係工作壓力大先會咁，試過被Sam禁錮喺保母車上一日一夜不停鬧，五月出席母親節活動後，亦被Sam漏夜call上車鬧，當時Christy、Mizaki都在場，Sam狂爆粗又拍打車廂，要我跪地叩頭認錯，我驚到癲癇發作暈咗，到醒返時架車已返到大埔（大學宿舍），車上得番我、Sam和司機，我發覺自己衣衫不整，Bra扣和褲頭鈕都被解開咗，下體感到好痛……」Shirley泣不成聲，待她稍為平復續說：「我有為呢件事鎅手，亦打算會報警。」Shirley透露跟Sam一起的日子，先後三度鎅手入院，又試過服藥自殺，現在總算清醒，「我只係想做返個正常人，唔想再被人屈我做雞！」 記者就此事聯絡Sam，惟截稿前未有回覆。
■Shirley接受訪問時，驚爆過去兩年一直被經理人威迫發生性關係。
■被姊妹遺棄的Shirley傷心痛哭，還大爆過去FFx的戰衣全由她獨力承擔，「登台表演、出活動、出碟啲衫全部都係我上淘寶買，點解要咁對我？點解要夾埋講大話屈我！」
■女子組合FFx過去一直表現姊妹情深，但估不8到轉頭突然拆夥兼反面。
憑《Sugar Baby》廉價MV爆紅的騎呢女子組合FFx，早前發聲明宣布拆夥，FFx從此四變三，被踢走兼被指安排姊妹出席飯局搵快錢的楊澤怡（Shirley）日前接受本報訪問，不甘被昔日好姊妹數臭的她逐一拆解指控，至於為何被飛出局？Shirley即聲淚俱下指，過去兩年一直活在43歲經理人何英傑Sam淫威下，至近日對方轉嗒17歲女神周葆諭（Christy）才地位不保被踢走，她說：「每次收工都被帶去時鐘酒店，初頭唔肯就話要踢我走，甚至會出手打我，試過嚟M（月事）都夾硬要做，O依家同Christy一齊就唔要我，仲要夾埋嚟屈我，我唔係雞，點解要咁對我。」 採訪：彭子僖 攝影：李權威
經常被網民恥笑騎呢的四人女子組合FFx，最近突然宣布拆夥，三位成員李詩詠（Ceci）、潘穎琳（Mizaki）及周葆諭更公開數臭21歲來自兒童之家的楊澤怡「三宗罪」，力斥她不但脾氣臭鬧走贊助商、爭做主角扮大家姐，還安排姊妹出席飯局搵快錢，三隻嬲嬲豬更出聲明跟Shirley劃清界線。
逐一反駁指控
慘被飛起的Shirley日前接受本報訪問，愁眉不展的她先逐一拆解指控，她說：「識我都知我係咩人，從來都唔會同人爭，話我爭企位？其實每次都有兩個人企中間，而且排位點企都唔到我哋話事，至於佢哋講嘅飯局更從未發生，我哋五月尾開騷，由四月開始排舞，我日日打兩份工幫補生計，根本沒時間可以去飯局，完騷後，Mizaki和Ceci都飛咗去韓國玩，咁我又點可以越洋帶佢哋去飯局呢？」那Christy所講的卡拉OK跳艷舞又點解釋？Shirley說：「一定無！未加入FFx前我已識Christy，那時大家都係周圍去Casting，而且一定係去人哋公司Studio，唔會嘅卡拉OK。」
照Shirley咁講，即她是被三位姊妹夾埋屈，大家不是情同姊妹嗎？Shirley聞言即眼泛淚光說：「我一直對佢哋好好，所有出騷衫都係我上淘寶買，我一個人打幾份工去捱，Christy考DSE我都幫佢補習，出聲明前一刻大家仲互相關心，點解要咁對我？點解要講大話？我覺得佢哋好恐怖。」
那為何又會被踢出局？Shirley隨即爆Seed，指過去兩年一直活在43歲經理人何英傑Sam的淫威下，「佢要我做佢女朋友，但其實只當我係Sex Partner，鍾意就O氹，唔鍾意就鬧，每次收工都帶我去時鐘酒店，唔肯就話要踢我走，試過太攰唔想做就被打，嚟M都要做。」唔係得個講字，記者從秘密途徑得到兩張Sam和Shirley的親密啜嘴相，可見兩人關係非淺。
轉嗒女神Christy
Shirley邊說邊飲泣，還說這段關係持續兩年多，直至發現對方原來兩度因從事色情行業入獄，即堅決斬纜，「Sam一直呃我又隱瞞坐過監，真係接受唔到，我唔係雞，唔想再糾纏落去，呢件事我有同其他女仔講過，點知原來Sam都係咁對佢哋，會攬會錫，Christy話有俾Sam搞過，佢哋O依家一齊，我覺得好亂，唔知可以點，Sam係賤人，正人渣！」說到這裏，Shirley已泣不成聲，待她稍為平再說：「我只係想盡快平息件事，唔想俾人當我係雞，我唔係雞！」Shirley表示FFx過去兩年來登台無數，但每人僅得七千元落袋，她說：「Sam話幫我哋Keep住先，知我大學Loan出數就問我借錢，到今日都未還，我大學已畢業，但無錢攞證書，舍宿亦無得繼續住，要去麥當勞過夜，O依家暫住朋友家，其實我只係想做個正常女仔。」
至於其經理人何英傑，截稿前未能聯絡得上。
|
鍾意就快D Share啦！
|
|
|
