掃呢頁CODE去手機

2016年7月5日 星期二

男人遇到呢D女人真係慘. . . _-,

1.太恨嫁閃婚情節一般只發生喺女神身上。結婚對男人而言係一個承諾,一個責任,所以一般會花上一年數載去確定一個女人係咪娶得過。相識冇耐就連番明示暗示要同佢過人世,仲話要生三五七個,就算係女人都要諗諗,更何況係男人?摧情對白:你有冇打算幾時結婚呀?而家啲酒席好貴啊!結婚戒子最好鑲鑽啦!我已經諗定將來嘅仔女叫乜名……2.太黐身一星期要見足七日,剛剛見完面轉頭又要傾電話,仲要plan定下次約會做乜好,拍拖 ...


1.太恨嫁閃婚情節一般只發生喺女神身上。結婚對男人而言係一個承諾,一個責任,所以一般會花上一年數載去確定一個女人係咪娶得過。相識冇耐就連番明示暗示要同佢過人世,仲話要生三五七個,就算係女人都要諗諗,更何況係男人?摧情對白:你有冇打算幾時結婚呀?而家啲酒席好貴啊!結婚戒子最好鑲鑽我已經諗定將來嘅仔女叫乜名……2.太黐身一星期要見足七日,剛剛見完面轉頭又要傾電話,仲要plan定下次約會做乜好,拍拖 ...


1.太恨嫁

閃婚情節一般只發生喺女神身上。結婚對男人而言係一個承諾,一個責任,所以一般會花上一年數載去確定一個女人係咪娶得過。相識冇耐就連番明示暗示要同佢過人世,仲話要生三五七個,就算係女人都要諗諗,更何況係男人?

摧情對白:你有冇打算幾時結婚呀?而家啲酒席好貴啊!結婚戒子最好鑲鑽我已經諗定將來嘅仔女叫乜名……

2.太黐身

一星期要見足七日,剛剛見完面轉頭又要傾電話,仲要plan定下次約會做乜好,拍拖勤力過返工,未必個個男人都撐得住。如果你唔需要私人空間,就要搵個同你一樣唔喜歡獨處嘅男人,否則下年呢個時候你依然會酸溜溜。

摧情對白:點解你冇拍拖嘅?點解唔覆我message呀?你Facebook仲未add我呀!(每日一次)我好掛住你……

3.太有壓力

能夠令男人甘願隨傳隨到、主動幫你孭手袋、自動埋單等算你有本事,但若要你下下出聲,唔踢唔郁,未必係個男人唔夠醒或冇風度,而係佢當刻未有興趣獻殷勤。如果喺呢個情況下你主動提出要求,男人會聯想到服侍公主嘅壓力。更普遍嘅情況係,佢滿足唔到你嘅期望時,你忍唔住黑面又或改變態度,佢可能會覺得你難以理解、麻煩、情緒化,同你一齊壓力大過返工。

摧情對白:個袋真重,有人幫我拎就好喇!我冇意見,你想點就點。

4.太貪玩

調情係一段愛情嘅啟動密碼,但若然你同好多男士都調情,仲要被你心儀嗰位見到,佢妒忌或會令你覺得幾好玩,甚至有啲飄飄然(有情場新手甚至會用呢招來試探對方),但佢可能因此而認為你係一匹到處留情嘅野馬,不易馴服。此外,男人對喪蒲喪劈嘅女人也會敬而遠之,發酒瘟又喊又叫實在不可愛,別妄想酒後失儀的你能引起佢嘅憐愛。

摧情對白:#%&*@$@$^XY#@(酒後胡言亂語)

5.太消極

天生悲觀的人不代表不快樂,可以藉著知識及經驗去讓生活精彩起來。可是,若你時刻擺出一副世界末日嘅態度、經常自怨自艾,對方要成日支持你可能有朝會身心俱疲,也很難幻想將來同你一齊可以有幾開心有趣。另一情況係,或許你經歷過唔少感情缺失,想拍拖但又怕再受傷害,不自覺發出拒絕別人嘅條件反射,男人又點敢埋身?

摧情對白:我唔信自己會有人要。我知道自己會孤獨終老。我註定係失敗者。

6.太挑釁

挑逗就話男人最愛,挑釁就剛剛相反。冇乜邊類型嘅男人會喜歡同無事惹火頭、針鋒相對、態度強硬嘅人相處,對方係男人就話可以打佢一身,係女人的話就唯有退避三舍。對傳統或自信較低嘅男人而言,主動有時等同挑釁,尤其女人主動做一般被認為係男人應份嘅事,諸如搬重物、食飯埋單以至追求等,會令男人失去征服你嘅好奇心。

摧情對白:你唔識就咪出聲陳大文真係廢呀!你可唔可以做我男朋友?

7.太深閨

怕醜小女孩冇攻擊性,相當討男人喜愛。不過,假若你怕醜到放工放學後即刻返歸,拒絕朋友聚會,成日頭耷耷,唔敢對異性微笑或傾談,就算有人主動搭訕,你可能更會驚到九秒九閃人,除非對方面皮厚過字典,否則邊個同你溝通到,又遑論談戀愛呢?

摧情對白:……(靜)

8.太八婆

十個男人十個都怕八婆,唔鍾意女人諸多批評,更討厭女人雞啄唔斷講是講非。可能你心諗有啲極級八婆都有人娶,但你又點知人哋係咪被男友食得住,喺男友面前係咪判若兩人?因此,唔想嚇走好男人的話,八卦話題都係留返姊妹淘

摧情對白:$$^*$#@$^^&^$#@$@(滔滔不絕地講是非)

若然你冇乜上述摧情特質,相信你係個暫時未有愛情運嘅好女仔,時機與緣份由神安排,急也不急來,最好的定必來臨!


來源 source: http://ww.circle01.com
鍾意就快D Share啦!