期望呢個post可以幫下其他年輕人.回頭是岸,如能警醒,也不枉我一番酸文腐語:-(
基本上貴金屬經紀你上得去見工98%都會請,2%是有語言障礙既人,抱歉,我不是歧視
而入行多數是年輕人,尤其剛畢業,見到招聘post學歷需求低,人工高.時間彈性
我話你知,除了學歷需求低,其他都假.
首先,招聘post一般萬幾月薪.見工會開門見山將得2個月底薪.大約4-6k.
其次,做左1-2星期開始佢會要求你日日ot.一個星期大約要ot超過3日.
工作不外乎電話,佢會比張紙你自己作6個數字.然後1-99咁打.
另外就是街訪,相信唔少巴打CHING都見過街上著住西裝做問卷.
大哥,搵你做問卷求其搵d人得啦,點解要著西裝？因為人地不只是做問卷咁簡單囖:)
基本上返工教你幾6成銷售技巧,3成上司講下自己點成功,講下d客比幾多幾多錢自己,自己每個月出幾多幾多人工.
最後1成就是金融知識.
好了,以我所見,一般剛開始就做問卷,第二次打去就吹水搏熟搏fd.第三次就推銷現貨金
成日話非農非農,的確有呢回事,但你點賺錢？
班友次次都馬後炮,同你講非農如果你做左就賺幾多幾多,
次次講到你已經蝕左,因為你無做你無信佢
點解要信佢？佢就要講到你唔信佢是你損失
首先,非農基本上香港所謂證劵行是有時間限制,即是非農前10分鐘唔可以set現價盤，
意思是非農開波後你控制唔到風險.是十分危險既事,好多同你推銷既經紀唔知,
因為佢地自己無入過市,上司都儘量唔教.
當你50k既倉,你以為穩賺,入2-3手,個市一波動超過十幾二十蚊你就爆倉,公司會自動幫你斬倉,
斬唔到可能要你比更加多既錢補數（反方向）.
好,比你中方向,你一路按交易個系統一路顯示價格已變價格已變,
我當時就是咁不停咁講粗口,賺錢走唔到,蝕錢又斬唔切倉.本來賺緊錢,佢回調反彈變蝕錢.
d經紀唔會同你講呢d.因為佢地根本唔知,或者上司無教
好了,到你真的入錢開倉了,唔知你有無錢授權比d經紀
首先,個度既所謂手續費就是經紀既傭金.一般公司都收你hkd400
但,如果你無簽授權的話,個每手hkd400是唔洗的
因為所謂證劵行都已經食左你差價,不論你賺蝕.
一般就0.5USD,計返港幣就大約390.是每手！
HKD400一般都會d細經紀同上司拆.每間都唔同.跟你個位經紀一般每手hkd200左右啦
黃金呢d野你又消息渠道有料既其實可以賺錢
你一般散戶唔好以為自己可以左右個市.木貢杆既野你5蚊買200蚊既貨物你就算入1千萬hkd對個市都唔會友咩影響
全部真正大戶控制
做緊或者想做既巴打一定唔好搵經紀.做都要搵大行,已經立足超過10年既公司先信得過.
所謂經紀我以前做既公司1team20-30人得1，2個經理有料識少少野.佢地自己都唔敢玩,
你聽d剛畢業既哥哥妹妹仔去入市?
最深刻係有次出去做街訪
都已經黃昏，咁我搵到個目標想過去睇下有無機會，佢拖住隻狗仔，我趁狗仔扭計唔走就行過去請佢做問卷，咁就同佢講笑話狗仔都想你停低幫我做:D
佢都知我地做問卷唔係咁單純一件事都走開。
再夜d個天黑曬佢帶完狗仔散步又經過我:-( 主動走過來幫我做，落曬所有個人資料:~(
我一直都無去搵返佢，唔想佢入局
基本上8成經紀都會打感情牌，玩弄感情既人，打電話個陣好似相逢恨晚咁，一收線就即刻粗口鬧個客xx(
|
鍾意就快D Share啦！
|
|
|
