我今年25歲，女，教書。有個呀哥29歲(普通文職)，同未來呀嫂90後(做sales)。
最近呀哥話要結婚，同佢女朋友成日哄我呀媽買o個樣，落o個樣訂。但家用又冇比，我一個人負擔曬全屋企開支。其實我都想同男朋友結婚，但屋企重男輕女，我都唯有繼續比人工一半做家用，之後都儲唔到錢了。
講返我呀哥，佢搵得唔多，又成日轉工，但佢女友點都要擺酒，又話要去歐洲影結婚相，又要樓，又要車。平時仲要買名牌，都係我呀哥比。有時比唔起，都會問我借。
佢地成日食飯借d易話結婚想點想點，轉頭就哄呀媽借首期，借擺酒訂金，連影結婚相都話要借。車供唔起要我幫手供，我念住兩兄妹唔好計，但每次我想借架車用下，佢女朋友都比面色我睇。我真係覺得好委屈。
雖然話係一家人，但有時好灰心，我為個家出錢出力，轉個頭我呢個呀哥又哄我呀媽拎曬d錢出黎。未來呀嫂佢好"識做"，對住我呀媽擦到對鞋立立令，一對住我就黑我面，有時我真係唔明佢憑咩比面色我睇。
之後呀哥話我知，因為未來呀嫂聽到我都想同男朋友結婚，怕我呀媽(金錢上)幫我，分薄左佢o個份(錢)。其實我同男朋友都冇諗住要屋企人幫，覺得量力而為，亦從來冇開過聲要點點點。佢都要咁睇我，仲黑我面。有時我真係好想喊。好難受。
我真係唔知點同呢個港女呀嫂相處...
來源 source: http://ww.circle01.com
|
鍾意就快D Share啦！
|
|
|
