呢幾日嚴寒嘅天氣下，有巴打喺銅鑼灣一間泰式餐廳發現一個身材超級好嘅女侍應，瞬間令巴打們體溫急升。(網上圖片)
(影片更新)近日香港天氣極速轉冷，凍到大家變雪條，不過有高登巴打為港男們送上暖到入心嘅消息，就係喺銅鑼灣一間泰式餐廳發現一個身材火辣嘅女侍應，巴打仲影埋佢相放上網，睇到一眾巴打㷫烚烚。
雖然製服相當密實，但女侍應突出嘅上圍令到件制服好似想爆開咁。(網上圖片)
根據瘋傳中嘅相清楚見到，女侍應身材真係相當唔錯，不過呢個只係重點之一，另一個重點係呢位女侍應唔單止擁有魔鬼身材，更加擁有天使面孔，真係令一眾巴打驚訝原來香港都有咁正的正妹。
原來女侍應叫Larine。(網上圖片)
睇完相後，港男們梗係好想對女侍應有更進一步嘅了解啦?有指女侍應名為Larine，今年18歲，正準備考DSE，喺銅鑼灣一間泰式餐廳任職兼職侍應。Larine對該媒體稱，自己突然咁多人識都感到有啲驚，同時都因為咁，有唔少人留言或send一啲「好難聽」嘅訊息俾佢。佢亦都話因為自己嘅突出身材，所以自小便經常被同學欺凌，最後令佢情緒非常困擾，更加要睇心理醫生。
唔止有樣有身材，Larine仲有腳。(網上圖片)
要睇心理醫生雖然唔係咩好事，不過Larine亦都因為咁而聽心理醫生講將平時遇到嘅事寫成故事，培養出寫故事嘅習慣。Larine除咗鍾意寫故仔，仲好鍾意研究超自然力量以及佛學，上年仲考埋催眠師牌照，不過暫時佢就未有喺幕前演出嘅打算，怇話自己對住鏡頭始終唔係太自然。
呢張Larine的ig相，真係睇到男仕們會喺嚴寒下流鼻血。(網上圖片)
巴打們最關心嘅一定係Larine嘅感情狀況Larine話如果唔計拖手仔錫嘴仔嗰啲，其實佢係冇拍過拖嘅(嚇?)，因為佢有一個暗戀咗好多年嘅男仔！呢個男仔正喺佢當年情緒非常困擾時，鼓勵佢去睇心理醫生，佢仲形容呢個男仔係「非常非常善良」嘅人，而且對方同自己一樣鍾意研究佛學，思想都夠成熟喎！不過對方並唔似有追Larine，所以巴打們仍然仲係飛雲，一樣有機會的。
呢個角度嘅Larine真係有幾分明星相。(網上圖片)
話就話未有喺幕前演出嘅打算啫，不過Larine間唔中會喺「17」同大家玩直播。一樣要面向鏡頭對住咁多人喎，不如真係直接出道喇，起碼唔使巴打成日去餐廳撞佢咁辛苦呀！
|
鍾意就快D Share啦！
|
|
|
