反轉豬肚係乜乜乜 分手情侶數臭點拆好？
一 pair情侶嗌分手，好彩就分手亦是朋友，但更多人係反面冇朋友，仲會互數對方不是，好似最近周子揚同何傲兒呢 pair咁，戰局至今仍未停止㗎！之但係，其實拍拖係兩個人嘅事，外人真係唔應該多加意見嘅！未知一班藝人朋友又點拆解被前度數臭嘅難題呢？
雞髀打人
Regen張惠雅：如果遇到個數臭我嘅前度，會攞隻雞髀出嚟打佢塊面打佢牙骹，打到軟曬唔會再講！如果仲有就唔好理佢囉！呢啲控制唔到㗎嘛！多數處理是非就係唔理同記住攞雞脾！
以德報怨
Cystal張紋嘉：我反讚佢！讚到佢天上有地下無，呢個世界上最好嘅男人！呢啲叫咩呀？以德報怨嘛！等你自己心虛，點解要咁樣話我，咁樣你就唔會再話我！同埋真係冇遇過呢個難題真係好，等我下次遇到呢個情況就咁做！
當睇清楚
BOP：帶眼識人囉！同埋覺得自己幸運囉！因為你已經係我前度你都唔會再同我一齊所以就帶眼識人，即係佢鬧我哋唔緊要，你冇品，但我已經睇清楚你嘅為人
C AllStar
（左至右）
由佢數
Jase：我會祝福佢囉！因為他朝君體也相同！
祝福佢
安仔：大方啲囉！因為本身唔臭點數都唔會臭！問心無愧！由佢數囉！
恭喜佢
釗峰：我都會恭喜佢囉！因為我已經搵到個更好㗎！比前度更好嘅人！時間會證明一切！
扮唔知
King：比人數，我都唔知㗎如果佢真係數，傳到我耳仔，咁我會同傳俾我嗰個人講，唔好聽佢講，你聽佢講，佢都數我啦，睇個行為都知道唔係好嘢
少女標本
（左至右）
忍得就忍
少女標本 Kabby：我諗我會採用退一步海闊天空，忍一時風平浪靜嘅方法，我覺得忍囉！因為人在做，天在看！會忍到佢收聲為止！我覺得佢有羞恥之心，嘅，每個人應該有半分羞恥之心！
要賠償
少女標本 CoCo：咁都證明我對佢影響都幾大嚇嘅！分咗手都仲數緊我！唔緊要嘅！賠返小小精神上面嘅損失就得㗎
買兇殺人
少女標本 Jessica：我會買兇殺咗佢！講笑啫！我點會做得出啲咁嘅嘢！我會唔理佢囉！覺得講講嚇啲人有眼睇㗎嘛，自己係個點嘅人！反而啲人會覺得呢個男仔好唔掂，數臭人哋喎！大家就會知道佢係唔好嗰個囉！
街坊：唔好咁執著
街坊普遍都係採取懶理決策應付，俾足面子前度，仲話叫佢放下執著喎！
Alex
做人應該凡事唔好咁執著！因為會顯得出佢人格有問題！分咗手點都係朋友，如果佢要唱衰，我冇辦法控制始終係佢嘅問題，下下都要唱衰人，我覺得做人會好辛苦！我哋應該要放下執著！
Kiki
可能係啲社交網站講返個實情出嚟！如果佢繼續講都冇辦法，咁就唔好理佢囉！
Sam
我梗係唔會理佢專心搵新一段感情放低佢，由得佢講！我始終控制唔到佢，把口係佢，我會做返自己，我相信會遇到一個人知道我係一個點樣嘅人！
Janet
唔理佢囉！清者自清嘛！如果你理佢，咪好似同佢一樣咁低莊！換轉我唔會理佢，可能身邊啲朋友會幫我出返氣！
|
鍾意就快D Share啦！
|
|
|
