| 【中法聯軍】華為出錢法國Devialet設計中國專賣智能喇叭SoundX | |
當大家對中國的產品嫌三嫌四充滿鄙視時，中國國家級品牌華為又發功，今次不再明抄洗錢合作搵來法國Highend音響公司Devialet幫手作為打入中國龐大市場的合作夥伴，華為昨日係上海發佈中國第一的智能喇叭華為SoundX，先旨聲明為懲罰世界對華為嘅誤解，人民幣1,999元超平的中法合作超級智能喇叭唔賣比世界，只在中國獨賣榮光歸中國。法國Devialet優質技術同設計，60W雙低音炮和360度聲音加上Devialet的喇叭獨家有源匹配（SAM）音響技術套用係華為身上，中國人真有福，正所謂“兩岸猿聲啼不住，輕舟已過萬重山“，記住好野唔好益人，真係唔好做外銷，等外國人「慢慢舟」啦......  咁老實睇完華為智能喇叭SoundX的規格同設計，確實係唔錯，要讚賞的係法國HiFi公司Devialet的低音同有源喇叭設計確有水準，佢專利的有源匹配（SAM），可以消除失真和推挽低音消除震動，相信其低頻有一定水準。SoundX具有一鍵式控制，支援智能操作包括華為的HiLink智能家居控制，華為的“小逸”語音助手華為音樂，可惜全部都應該只用普通話，只適合中國人使用。呢款喇叭係同華為的MatePad Pro平板電腦同時亮相推出。其實呢個絕非華為第一款推出的智能喇叭，華為已經有幾款智能喇叭，其中包括一款與蘋果的HomePod 相似度相當高的智能喇叭。不過今日引起世人關注，只因為重金搵左法國Devialet幫手設計。 華為Sound X 突破傳統家庭影院的聽音限制，智能自適應聲場環境，隨意擺放都可以自動調節出好聲音，實現真正的360度環繞，AI空間智慧感知。內有6顆8W全頻單元60度夾角對稱均布，加上華為開發的特有音效算法，使人在任意方位，都能享受清澈飄逸的音樂。在音箱靠牆放置時，華為Sound X 的六咪高峰陣列能夠自適應檢測出音箱所處空間，描繪出真實聲場佈局，並自動調節高音播放模式，將音樂分成左中右三聲道，虛擬出家庭影院5.1全景聲效，營造360°沉浸式聽音環境。
對於法國的音響企業Devialet來講，Sound X代表了其“在亞洲的第一個合作夥伴”，中國係呢間法國新世代音響廠的全球第二大銷售地區。Devialet其實已經在好多唔同地區達成了許多商業合作聯盟，包括Sky 的環繞聲電視喇叭，美國Altice的Altice Amplify智能喇叭，法國雷諾的Symbioz自動駕駛汽車以及與互聯網供應商Free在法國建立的特式機頂盒等等。故對呢間法國廠來講同華為合作只是其全球性商業合作其中一個地區一個部份。 
而講返華為的Sound X暫時只會在中國銷售，內地已接受預購，價格相對較低-至少加左Devialet個名氣都依然只售人民幣1,999元。不過，睇返佢的功能同支援性，基本上全普通話全中國獨有的程式，係一個只適合中國的封閉式網絡世界，想外銷都有實際難度，一離開中國，強大的智能就作廢，變成不夠智能喇叭，如果華為有心想外銷想將好野帶比全世界就要改變一下軟件的支援。但又要點對說服人你的智能喇叭唔會錄人音傳返總部，世人真係好難搞，好野都係唔好益人，唔好賣比佢地。 | |
|
鍾意就快D Share啦！
|
|
|
