35歲高模熊黛林（Lynn）三年前同郭富城七年「富黛戀」因逼婚而分手。塞翁失馬，焉知非福，Dry了年多的Lynn釣到另一金龜、郭可盈胞弟郭可頌。去年八月有記者撞破二人撐枱腳食韓燒。當時男方與前妻搞緊離婚，為免冠上「小三」污名，Lynn今年初才甜絲絲公開戀情。
去年8月，二人到銅鑼灣撐枱腳食韓燒斷正。
昨日有報道指身家逾億的郭可頌今年八月與honey去加拿大蜜遊，趁睇流星雨浪漫求婚，恨嫁Lynn當然點頭。準新人決定聖誕節飛日本沖繩四日秘婚，只邀請雙方至親約二十人到場觀禮，大婚後玩多兩日先返港。
資料圖片
在消息出街前Lynn曾接受《頭條日報》獨家專訪，據報當日她心情勁靚。談問到今年娛圈多喜事，記者問她有否獲男友求婚和結婚計劃時，她故作神秘說：「未知！慢慢有啲嘢（結婚）無得計劃，呢個人（郭可頌）鍾意你，就可以過一世。有時逼（婚）無好結果，唔逼反而有驚喜。（會秘婚？）唔使急！」
問到與男友相處之道，她甜笑說：「我雖然對佢（男友）職業唔了解，但會耐心聽佢傾訴。（婚後會即刻生仔？）想架！以前我來香港時，幫經理人Kim湊過女，湊小朋友好有經驗架！會係個賢妻良母。」
37歲的郭可頌係家中獨子，11年郭父(右)離世繼承大部份遺產，身家逾億。
問到Lynn舊愛城城近日感慨表示五十歲仲未有對象，恨早日成家立室，Lynn亦大方說：「希望佢早日搵個啱嘅女人，呢個年紀唔細了。」有關聖誕秘婚一事，Lynn經理人Kim代為否認婚訊，仲話下月無收過邀約出席婚宴。Lynn貼身助手亦話從未聽過此事。不過空穴來風，大家等多一個月睇吓有無好消息
|
鍾意就快D Share啦！
|
|
|
