《破·地獄》由《不日成婚》導演陳茂賢自編自監自導，許冠文、黃子華兩代笑匠聯手主演，但今次合作並非拍喜劇一齊搞笑，而且探討親情與生死議題。故事以疫情肆虐生意蕭條為背景，講述婚禮策劃師道生（黃子華 飾）因婚禮市場蕭條而債台高築，被迫轉行成為葬禮經紀人，起初因為理念不同與喃嘸師傅文哥（許冠文 飾）針鋒相對，但後來愈做愈投入，令文哥漸漸改觀。兩人亦在相處過程中，互相開解彼此人生及家庭上嘅煩惱而變得惺惺相惜，亦逐漸領悟到「破地獄」嘅真正意義。 | |
在預告中，黃子華所飾演嘅道生以一句：「紅磡係一個好特別嘅地方，一街之隔，嗰邊紅館每晚都喺度開show，呢邊殯儀館又係每晚都喺度開show。」揭開片中多個主要角色深層矛盾，首先係文哥質疑新拍檔道生唔夠專業：「咪就係行內人同行外人嘅分別囉，你個心都唔喺殯儀。」其後係文哥子女對繼承父親衣缽產生衝擊：「做喃嘸傳男唔傳女，傳統嚟㗎。可以嘅話我做咗」在片尾道生向文哥指出「生人都要破地獄」更引人深思：「你哋喃嘸就係負責超度先人，我哋行街(指葬禮經紀人)就負責超度生人。生人都要破地獄㗎，生人都好多地獄...」 除咗黃子華與許冠文之外，電影亦邀請到不少實力派演員參演，包括衛詩雅、朱栢康、周家怡、秦沛、金燕玲、韋羅莎、梁雍婷、白只及鍾雪瑩，11月9日正式上映。 | |
 
| |
本文作轉載及備份之用 來源 source: http://menclub.hk
|
鍾意就快D Share啦！
|
|
|
