【日本】以「關都地區」為藍本 《Pokemon》宣佈東京開主題公園 ！ #Pokemon

為咗令Fans有更完整嘅體驗(你都可以話係榨乾Fans每一分錢嘅)，近年唔少遊戲、電影系列都開設主題樂園或園區。而作為日本國民級動畫、遊戲嘅《Poke ...

為咗令Fans有更完整嘅體驗 (你都可以話係榨乾Fans每一分錢嘅)，近年唔少遊戲、電影系列都開設主題樂園或園區。而作為日本國民級動畫、遊戲嘅《Pokemon》當然亦不能免俗。近日《Pokemon》官方就宣佈，會與讀賣新聞合作，開設以遊戲內「關都地區」為主題嘅主題園區！
よみうりランドの一部区画にて、エンターテインメント事業「ポケパーク カントー」を行うことが決定！ 世界中のみんなが、ポケモンを感じ、国・地域・言葉の壁を超えて、豊かな自然の中でいっしょに楽しめる場所になる予定だよ。 くわしくはこちら！https://t.co/iTQsOEYJPS#ポケパークカントーpic.twitter.com/HV8MUnVmiH — ポケモン公式 (@Pokemon_cojp)December 11, 2023
新園區命名為「Pokemon Kanto」，將會以初代《Pokemon》遊戲《紅/藍/黃》中嘅舞台「關都地區」為主題，而「關都地區」靈感本來就來自現實中嘅日本關東，即東京都所在地，所以「Pokemon Kanto」亦選址由讀賣新聞經營、位於東京都內嘅讀賣樂園之中。官方指「我們將打造豐富的自然環境，讓來自世界各地的Pokemon愛好者聚集，超越國家、地區、語言障礙地感受Pokemon，一同享受快樂。」 《Pokemon》於讀賣新聞有多年合作關係，例如自2009年起就於讀賣新聞嘅日報上連載以Pokemon為主角嘅諺語百科全書，2014年起合作舉辦「Pokemon龍王戰」。而目前讀賣樂園中亦有以「於自然中探索Pokemon」為賣點嘅設施「Pokemon Wonder」。
《紅/藍/黃》中嘅關都地區地圖
值得留意嘅係，目前Pokemon官方及讀賣新聞只係公佈咗合作事宜，並無公佈園區落成及開放時間，亦冇公佈園區內預計會有咩遊玩設施。所以估計大家都仲要等一段時間先會有得親身去玩啦。
資料來源：News Livedoor

本文作轉載及備份之用 來源 source: http://menclub.hk

鍾意就快D Share啦！

下一篇 》