早排木村拓哉過完佢51歲生日，兩位女兒就係社交媒體上發佈爸爸木村慶祝生日嘅相，當中仲包括爸爸木村同媽媽工藤靜香一齊慶祝生日嘅畫面，打破早前嘅婚變傳聞。
而木村拓哉身為一代潮流 Icon，品味受唔少人認可，好多fans睇木村新相嘅同時，亦都會留意下佢私底下到底著啲咩上身，而喺一張同工藤靜香嘅合照之中，木村就戴上一隻平價電子錶，即刻引嚟唔少人嘅注意！
喺一張同工藤靜香嘅合照之中，木村身穿一件簡約灰色Tee，傻氣All Back發現，戴著自己有份代言嘅 Ray Ban 太陽眼鏡，佬味十足。不過一眾網民喺留意木村相入面嘅造型時，意外地發現佢手上戴著嘅電子錶，價錢平到連平民都買得起？
木村手上呢隻電子錶係來自美國品牌 NIXON 嘅「siren」系列作品，售價約日幣15,000，即係大約770港紙左右。「siren」係一款智慧型手錶，結合咗不鏽鋼錶殼同超柔軟矽膠錶帶，防水又襟戴，難怪木去渡假時會戴住呢款手錶。
雖然木村拓哉係出席公開場合時，經常會戴上價值數十萬甚至數百萬嘅名錶，但係私底下去海灘度假時，就戴著一隻具防水功能嘅電子錶，考慮功能性多於彰顯身份地位，再一次證明木村拓哉強烈忠於自我嘅衣著之道，難怪多年來木村拓哉的潮流 Icon 地位依然屹立不倒。
本文作轉載及備份之用 來源 source: http://menclub.hk
|
鍾意就快D Share啦！
|
|
|
