Pokemon卡牌近年掀起炒風，就算唔計啲超罕有、超高價卡牌，稍為有啲收藏價值嘅可能都要一百幾十起跳，累積落黎個銀碼就唔細。有價有市自然就會吸引不法份子嘅目光，日前日本就發生咗一單Pokemon卡牌店被爆竊嘅案件，但奇就奇在原來犯案者本身冇儲開Pokemon卡，係被人教唆先犯案，更奇妙嘅係事後佢竟然收唔到任何報酬，甚至來回機票錢都係自費，可謂相當另類嘅「義 (務) 賊」。 | |
 | |
卻說4月12日時，日本秋葉原一間卡牌店被盜，失去近1,500張、主要為以比卡超為主題嘅卡牌，當中有幾張較為珍貴，價值10萬Yen左右，總損失則大約為115萬Yen (約HK$6.3萬左右)。後來日本警方經過追查後，拘捕咗現年35歲嘅犯人「大森正樹」。 據日本警方調查，大森正樹一直居住於日本沖繩縣，因為長期賭博而一貧如洗，於是佢就去某個地下工作網站應徵，結果就被指示要去到東京秋葉原某間指定嘅卡牌店犯案，而報酬就按佢最後偷到咩卡先計。簡單啲黎講就即係叫佢偷咗先算。 | |
| |
有趣嘅係「大森正樹」真係相信對方嘅說話，並於4月11日由沖繩飛去東京 (自費)，再租車 (自費) 前往某個大賣場與主謀會面。主謀將鐵鎚、手套等犯案工具畀咗大森正樹之後就離去，而大森正樹就於翌日犯案。犯案後佢再揸車去到茨城縣某公園同主謀會面，並將所有卡牌都畀咗對方，當時對方話「報酬之後會畀你」，但結果大森正樹喺東京等咗足足三個星期都冇回音，最後要靠父母出錢先可以返沖繩，最後仲畀人拉咗添。 簡單黎講，就即係大森正樹自己出機票、租車、東京食宿等費用去幫人偷卡，最後交咗貨但一蚊都冇收過，完完全全地做咗次白工仲被人拉咗。難怪報導出街後，日本網民都紛紛嘲諷佢係「義賊」。亦有人指出，喺唔少Pokemon卡牌都可以炒到百萬Yen級別嘅情況，個主謀計劃偷咗1,500張卡先值嗰115萬Yen，證明對方其實都唔係好熟行情，睇黎雙方都唔係太聰明。 | |
資料來源：FNN |
|
鍾意就快D Share啦！
|
|
|
