【影視】傳Ben Affleck有望執導DC全新蝙蝠俠電影《The Brave and the Bold》 #蝙蝠俠

DCStudios兩位掌舵人JamesGunn與PeterSafran早前正式公布全新DC宇宙藍圖，其中包括一部全新蝙蝠俠與羅賓電影《TheBrave ...

DC Studios兩位掌舵人James Gunn與Peter Safran早前正式公布全新DC宇宙藍圖，其中包括一部全新蝙蝠俠與羅賓電影《The Brave and the Bold》，改編自Grant Morrison筆下漫畫作品《Batman & Robin》，講述Bruce Wayne發現羅賓Damian原來係自己親生仔，以及父子兩人冒險故事。
雖然James Gunn曾表明新DC宇宙故事將由全新演員詮釋，意味Ben Affleck唔會喺《The Flash》打後嘅DC電影再演蝙蝠俠，但唔排除會以另一種方式回歸！最近有傳聞指，《The Brave and the Bold》將由Ben Affleck接手執導，而事實上，去年12月James Gunn就曾經喺Twitter表示佢同Ben Affleck商討執導一部電影，但究竟係咪《The Brave and the Bold》就不得而知。
Met with Ben yesterday precisely because he wants to direct & we want him to direct; we just have to find the right project.https://t.co/Haz1APdlVN — James Gunn (@JamesGunn)December 15, 2022
入行將近30年嘅Ben Affleck能導能演，曾以自導自演作品《ARGO–救參任務》勇奪奧斯卡最佳影片獎，嚟緊4月即將上映嘅話題新作《AIR》更搵嚟老友Matt Damon、Jason Bateman、Marlon Wayans等人揭開Nike公司Air Jordan籃球鞋發跡史。
資料來源：gamerant、abovetheline

本文作轉載及備份之用 來源 source: http://menclub.hk

鍾意就快D Share啦！

下一篇 》