講到最擅長 (或者用得最多) 爆炸嘅荷里活導演，Michael Bay敢認第二，頭五位應該都冇人敢認，當年亦係佢呢個風格造就《Transformer》真人電影嘅成功，可惜嘅係電影不停拍續集，觀眾產生「爆炸怠倦」，加上電影本身嘅問題，最後爆炸嘅就係電影系列、以至Michael Bay本人嘅口碑。日前Michael Bay接受訪問時就坦言，當年係唔應該拍咁多集嘅。 | |
Michael Bay為咗宣傳新戲《Ambulance》而接受英國Unilad訪問，期間就講起當年拍《Transformer》嘅經歷。Michael Bay先係話拍第一集時，其實大家都唔知套戲會唔會成功，所以其實好驚，好彩最後大家都鍾意啲特技，票房又好。第一集《Transformer》於爛蕃茄評價為57%，已經係五部中最高嘅，票房則為7億美金左右；五部中評價最低嘅係第五集，僅有15%，票房亦係最低，只有6億美金左右。整個系列總票房約為43億美金。 | |
但接下來佢就承認當年係唔應該拍第四、第五集，甚至連名導演Steven Spielberg都曾經勸佢唔好拍：「我拍得太多Steven Spielberg曾經同我講過『拍三集好停啦』，我當時都話好架，但點知片方 (Paramount) 求我拍多集，結果又賺大錢；好啦我話真係唔再拍啦，佢哋又黎求我。我真係應該停，」 至於新作《Ambulance》就J由ake Gyllenhaal、Yahya Abdul-Mateen II以及Eiza González Reyna主演，改編自2005年丹麥電影《Ambulancen》，故事講述兩名銀行劫匪遇上警方追捕，情急之下搶咗救護車，卻發現車上仲有個女救護員以及一名生命垂危嘅傷者。從預告黎睇，依然都係有槍戰、有飛車、同有靚女，非常Michael Bay。 | |
資料來源：Unilad | |
|
鍾意就快D Share啦！
|
|
|
