| 【韓式降噪】三星旗下AKG N400真無線耳機想做AirPods Pro對手？ | |
你知道蘋果最大對手係邊？答華為嘅人可以返屋企，因為華為強大中國貨係冇對手㗎，答案係韓國Samsung，呢個手機巨人早前推出左可以媲美AirPods的真無線耳機 Galaxy Buds+，可惜新出耳機居然唔支援 ANC降噪功能，天生缺陷明顯，好彩旗下仲留一手，apple 有beats，Samsung旗下都有AKG品牌，於是推出一個用AKG名下的ANC降噪真無線耳機N400，可以同AirPods Pro 美點爭輝，唔玩蘋果會唔會玩AKG呢？難度在於真無線耳機實在多得太緊要。 今次韓國AKG推出真無線藍芽耳機 AKG N400，細細粒用耳塞式設計，有齊 ANC 功能、IPX7 防塵防水等級，作為曾經一個有名氣的影音品牌，AKG耳機採用8.2mm 驅動單元頻率響應 10Hz – 20KHz、阻抗為 6 歐姆，內建有如今通用藍芽5.0制式晶片，播放支援SBC、AAC 解碼格式。耳機上使用電容式觸控功能，可用調整音量、切換歌曲，同時完全支援語音助理。 呢隻AKG N400重7.7G，充滿電可以玩6個鐘，開盡ANC則只能玩5個鐘，加埋充電盒實際上最多只能用12小時，理論上夠用但以現今耳機新基準其實比較吃虧。估唔到到現今新出嘅真無線耳機居然有續航力的缺點。好彩其他機能同實用性搭夠，N400 擁有專屬的應用程式，可針對自行定義聲音表現、ANC 等級、觸控功能。支援 USB-C 有線充電、無線充電，一共有三隻色：黑色、銀色以及海軍藍；其中海軍藍算是特殊配色，耳機觸控表面漆上了玫瑰金。AKG N400 真無線藍牙耳機的售價為 230,000 韓元，大約1500港幣，價格同 Galaxy Buds+ 差不多，暫時只係喺韓國銷售， 不過相信產品如果好的話香港一定會有得賣。 | |
來源 source: http://menclub.hk
|
鍾意就快D Share啦！
|
|
|
